ऑक्टोबर आणि नोव्हेंबर महिना सुरू होताच ‘हे’ भयंकर आजार झपाट्याने पसरतात; वेळीच सावध व्हा, नाहीतर उद्धभवेल गंभीर समस्या

ऑक्टोबर आणि नोव्हेंबर महिना हा पावसाळ्या नंतरचा आहे. या महिन्यात प्रामुख्याने पाणी भरपूर ठिकाणी साचलेले दिसून येते. साचलेल्या पाण्यामुळे डासांचा संसर्ग झपाट्याने होण्याची शक्यता असते. त्याचवेळी व्हायरल इन्फेक्शन सुद्धा पसरू शकते. यामुळे अनेक गंभीर आजार उद्भवण्याची शक्यता असते. त्यामुळे या काळात विशेष काळजी घेणं गरजेचं आहे. तर आज आपण जाणून घेऊया अशा काही आजारांबद्दल हे ऑक्टोबर आणि नोव्हेंबर महिन्याच्या काळात पसरतात. त्यामधील सर्वात पहिला आजार म्हणजे डेंग्यू. सध्या डेंग्यूच्या रूग्णांची संख्या झपाटयाने वाढत आहे. एडीज नावाच्या डासाच्या चावल्याने डेंग्यू हा आजार होतो. या आजारावर वेळीच उपचार केले नाहीत तर समस्या गंभीर होण्याची शक्यता असते. दुसरा गंभीर आजार आहे मलेरिया. मलेरिया आजारामुळे रुग्णाला ताप, डोकेदुखी, अंगदुखी यांसारखा त्रास होतो. या आजाराची सुरवातीची लक्षणे दिसताच, यावर योग्य उपचार केल्यास, हा आजार बरा होतो. तिसरा आजार म्हणजे व्हायरल ताप. हा काळात व्हायरल तापाचे रुग्ण भरपूर दिसतात. डेंग्यू प्रमाणे या आजारामुळे देखील भरपूर ताप, उलट्या, अंगदुखी या समस्या होऊ शकतात. चौथा आजार आहे चिकनगुनिया. हा आजार डासांच्या चावल्याने होतो. हा आजारामुळे अंग सुजणे, ताप यांसारखी समस्या होऊ शकतात. त्यामुळे ऑक्टोबर नोव्हेंबर महिन्यात होणारे हे आजार वेळीच ओळखून यावर योग्य उपचार करणे गरजेचे आहे. समस्या गंभीर होण्याआधी डॉक्टरांचा सल्ला घेतल्याने समस्येपासून सुटका मिळू शकते.(सर्व फोटो: संग्रहित)