…म्हणून रात्री ‘ब्रा’ घालून झोपू नये; जाणून घ्या कारणे

महिलांमध्ये ब्रा घालण्यावरून अनेक समज- गैरसमज असतात. यातीलच एक महत्वाचा मुद्दा म्हणजे रात्री झोपताना ब्रा घालू नये की घालावी. दिवसभर ब्रा घातल्याने अस्वस्थ वाटणे साहजिक आहे पण स्तनांचा आकार बदलणार तर नाही ना या शंकेमुळे ब्रा काढायची इच्छा असूनही ती काढली जात नाही. मात्र तुम्हाला माहित आहे का? तज्ज्ञाच्या मते रात्री ब्रा घालून झोपणे आरोग्यासाठी हानिकारक ठरू शकते. तर जाणून घेऊया रात्रीच्या वेळी ब्रा घालून झोपण्याचे दुष्परिणाम. रात्रीच्या वेळी ब्रा घातल्याने रक्तप्रवाह सुरळीत होत नाही. त्यामुळे रात्री झोपताना ब्रा नेहमी काढणे कधीही चांगले आहे. ब्रा काढणे शक्य नसल्यास तुम्ही हूक सैल करू शकता. दिवसभर ब्रा घातल्याने घामाचे प्रमाण जास्त असू शकते. त्यामुळे रात्रीही तुम्ही ब्रा घालून झोपलात तर स्तनांना मोकळी हवा मिळू शकत नाही. यामुळे त्याठिकाणी फंगल इन्फेक्शन होण्याची शक्यता उद्भवू शकते. तुम्ही जर सतत ब्रा घालून राहिलात तर त्वचेवर डाग पडू शकतात. त्याठिकाणची जागा काळी किंवा लाल पडू शकते. तसंच त्याठिकाणी रॅश देखील येऊ शकतात. तुम्ही घातलेली ब्रा घट्ट असेल तर अनेकदा स्तनांमध्ये गाठी होण्याची देखील शक्यता असते. या गाठी स्तनाच्या कर्करोगाच्या देखील असू शकतात. त्यामुळे तुम्हाला जर ब्रा न घालता अवघडल्यासारखे होत असेल तर तुम्ही सैल ब्रा घालू शकता. ब्रा जर घट्ट असेल तर श्वसनाचाही त्रास होऊ शकतो. त्यामुळे झोपेवर परिणाम होण्याची शक्यता असते. त्यामुळे रात्री झोपताना ब्रा काढून झोपणे कधीही चांगले आहे.(all photo: freepik, pexels)