Photos: तुम्हीही जेवल्यावर लगेचच पाणी पिता? मग यामुळे होणारे गंभीर दुष्परिणाम एकदा पाहाच

पाणी आपल्या निरोगी शरीरासाठी खूपच महत्त्वाचे आहे. असे म्हणतात आपल्या शरीराचा ७० टक्के भाग पाण्याने बनला आहे. आरोग्य तज्ञ देखील दिवसातून ३ ते ४ लीटर पाणी पिण्याचा सल्ला देतात. परंतु, डॉक्टरांच्या म्हणण्यानुसार जेवताना पाणी पिणे टाळायला हवे. जेवताना किंवा जेवल्यानंतर लगेचच पाणी प्यायल्याने अनेक दुष्परिणाम जाणवू शकतात. ज्या व्यक्ती जेवल्यावर लगेचच पाणी पितात त्यांना आरोग्यविषयक अनेक समस्यांचा सामना करावा लागू शकतो. आरोग्य तज्ञांनुसार खाल्लेले अन्न पचायला जवळपास २ तास लागतात. यादरम्यान पाणी प्यायल्याने पचनसंस्थेवर परिणाम होऊ शकतो. म्हणूनच जेवल्यावर किमान ४५ ते ५० मिनिटांनंतर पाणी प्यायला हवे. तसेच, जेवायच्या अर्धा तास आधी पाणी प्यावे. जेवल्यानंतर एक तासाने पाणी प्यायल्याने वजन नियंत्रणात राहते. योग्य वेळी पाणी प्यायल्याने पचनक्रिया बरोबर आणि मजबूत राहते. पोटात गॅस आणि अॅसिडिटीची समस्या होणार नाही. शरीर अन्नातील पोषक तत्व चांगल्या प्रकारे शोषून घेते. योग्य वेळी पाणी प्यायल्याने चांगली झोप येण्यास मदत होते. रक्तातील साखरेचे प्रमाण नियंत्रणात राहते. (येथे देण्यात आलेली माहिती गृहीतके आणि सामान्य माहितीवर आधारित आहे. Photos: Pexels)