मानसिक थकवा ते बद्धकोष्ठतेचा त्रास; जाणून घ्या सर्वतोपरी गुणकारी गवती चहाचे ‘हे’ फायदे

गवती चहा ही उष्कटिबंधीय वनस्पती असून आशियाई आहारात त्याचा समावेश केला जातो. गवती चहातील सिट्रस घटकामुळे स्वयंपाकासोबतच अनेक वैद्यकीय दृष्ट्याही तो उपयुक्त आहे. गवती चहा हा व्हिटॅमिन सी आणि इ ने समृध्द असल्याने जडलेल्या जुन्या व्याधींवरदेखील उपयुक्त ठरतो गवती चहामधील अँटीऑक्सीडन्ट्स रोगप्रतिकारकशक्ती वाढवतात. जळजळ आणि शरीराला आलेली सूज कमी करण्यासाठी गवती चहाचा परिणामकारक ठरू शकतो. शारीरिक आणि मानसिक थकवा घालवण्यासाठी चहामध्ये गवती चहाचा समावेश केल्यास क्षीण निघून जाईल तसेच गवती चहाच्या तेलाचा वास घेतल्यास मन आणि शरीर शांत होऊ शकतो. गवती चहामध्ये अँटीमायक्रोबायल घटक समाविष्ट असून त्याने अनेक विकरांसोबत लढण्यास बळ मिळू शकते. तसेच त्वचेच्या विकारांवरदेखील उपयुक्त आहे. गवती चहाचा रोजच्या आहारात समावेश केल्यास पचनसंस्था सुधारून बद्धकोष्ठतेचा त्रास कमी होऊ शकतो. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Pexels)