सकाळी उठल्यावर रिकाम्या पोटी तुम्हालाही लागतो चहा? जाणून घ्या त्यामुळे होणारे नुकसान

ब्रिटिशांकडून आलेल्या चहाला 'भारतीय पेय' म्हटलं जावं इतका तो भारतीयांच्या रोजच्या जीवनाचा भाग बनला आहे. सकाळी चहा घेतल्याशिवाय अनेकांचा दिवस देखील सुरु होत नाही. अगदी मसाला चहापासून ते ग्रीन टीपर्यंत अनेक रूपात चहाचा आस्वाद घेतला जातो. उपाशी पोटी घेतलेल्या चहाने शारीरिक स्वास्थ्य बिघडू शकतं. रिकाम्या पोटी चहा घेतल्याने अपचनासारखे पोटाचे विकार होऊ शकतात. चहामधील कॅफेनमुळे बरेचदा चिंताग्रस्त प्रवृत्तीत वाढ होऊ शकते तसेच अनियमित झोपेसारखे आजार ही उद्भवू शकतात. वारंवार चहा प्यायल्याने दात पिवळे होण्याची शक्यता असते. सतत चहा प्यायल्याने शरीरावर त्याचा डाययुरेटिक परिणाम होतो आणि यामुळे लघवीला जाण्याचे प्रमाण वाढू शकते. वारंवार लघवीला जाण्याने शरीरातील पाण्याची पातळी कमी होऊन डीहायड्रेशन होऊ शकते. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Pexels)