“आम्ही काय होतो ते माहिती आहे, तुम्ही काय झालात हे महाराष्ट्र बघतोय”; संजय राऊतांचा फडणवीसांवर पलटवार

1/15

शिवसेना खासदार आणि प्रवक्ते संजय राऊत हे सातत्याने विरोधी पक्षांवर खोचक टीका करताना दिसून येतात. विरोधकांच्या टीकेला देखील अनेकदा शिवसेनेकडून संजय राऊत शेलक्या शब्दांमध्ये उत्तर देतात.

2/15

मंगळवारी भाजपा महाराष्ट्र प्रदेश कार्यकारिणीच्या बैठकीत राज्याचे माजी मुख्यमंत्री आणि विरोधी पक्षनेते देवेंद्र फडणवीस यांनी संजय राऊत यांच्यावर निशाणा साधला आहे.

3/15

देवेंद्र फडणवीसांनी यावेळी राज्य सरकारच्या कारभाराचे वाभाडे काढत संजय राऊतांची खिल्ली उडवली.

4/15

काय होतास तू काय झालास तू अशा शब्दात देवेंद्र फडणवीसांनी संजय राऊतांवर निशाणा साधला.

5/15

राऊत यांची अवस्था कोण होतास तू…काय झालास तू…अरे वेड्या असा कसा वाया गेलास तू…अशी जळजळीत टीका देवेंद्र फडणवीसांनी केली.

6/15

त्यावर खासदार संजय राऊत यांनी देवेंद्र फडणवीसांना शेलक्या शब्दांमध्ये उत्तर दिले आहे.

7/15

देवेंद्र फडणवीसांकडे भरपूर वेळ असल्याचे जुनी गाणी ऐकत आहेत, असे संजय राऊत म्हणाले.

8/15

आम्ही काय होतो ते आम्हाला माहिती आहे. तुम्ही काय झालात हे महाराष्ट्र बघतोय, असेही राऊत म्हणाले.

9/15

तुमची अवस्था अशीच राहिली तर तुम्हाला वेड्यांच्या हॉस्पिटलमध्ये दाखल करावे लागू शकते असे.

10/15

तशी अवस्था होऊ नये अशी मी ईश्वराकडे प्रार्थना करतो, असे संजय राऊत म्हणाले. (संग्रहित छायाचित्र । इंडियन एक्स्प्रेस)

11/15

त्रिपुरामध्ये घडलेल्या कथित घटनेचा निषेध करण्यासाठी काढण्यात आलेले मोर्चे म्हणजे षडयंत्र होते, अशी प्रतिक्रिया देवेंद्र फडणवीस यांनी दिली होती.

12/15

नवाब मलिक यांना हे सगळं माहिती होतं, असा गंभीर आरोपही देवेंद्र फडणवीसांनी केला

13/15

महाराष्ट्रावर विश्वासार्हतेचे मोठे संकट असल्याचेही फडणवीसांनी म्हटले होते.(फोटो सौजन्य- ट्विटर)

14/15

सरकार कुठे आहे, हे विचारण्याची वेळ आली आहे, असेही फडणवीस म्हणाले.

15/15

एक मुख्यमंत्री आहे, त्यांना कुणी मानायला तयार नाही. प्रत्येक मंत्री स्वतःला मुख्यमंत्री समजतो आणि जनतेचे मात्र हाल होत आहेत असे देवेंद्र फडणवीस म्हणाले.