Photos: महाकाय भुयार अन् तिरंगा फडकावत Underground सेलिब्रेशन… पुण्याच्या पोटात चाललंय तरी काय?

पुणे मेट्रो प्रकल्पअंतर्गत भूमिगत मेट्रो मार्गिकेच्या बारा किलोमीटर लांबीच्या बोगद्याचे काम शनिवारी पूर्ण झाले. मेट्रो भुयारी मार्गाचा हा महत्त्वपूर्ण आणि आव्हानात्मक टप्पा नियोजित वेळेत पूर्ण झाला आहे. स्वारगेट येथून निघालेले पवना टनेल बोरिंग मशिन (टीबीएम) भुयारी मार्ग पूर्ण करून बुधवार पेठ स्थानकात बाहेर पडले. यानंतर या प्रकल्पामधील सर्व कामगारांनी भारतीय ध्वज फडकावत आनंद साजरा केला. टीबीएमद्वारे भुयारी मार्गाचे एकूण १२ किमी चे काम पूर्ण झले आहे. उर्वरित भूयारी मार्गात आता इतर काम पूर्ण केली जाणार असल्याचं सांगण्यात आलंय. यामध्ये प्रामुख्याने सिग्नलिंग यंत्रणा, मेट्रोचे रूळांचे काम केलं जाणार आहे. तसेच विद्युत व्यवस्था व इतर महत्वपूर्ण व्यवस्था बसवण्याचे काम सुरु करण्यात येणार आहे. १२ किलोमीटरच्या या बोगद्याचं काम पूर्ण झाल्याचा आनंद कामगारांच्या आणि तंत्रज्ञांच्या चेहऱ्यावर स्पष्टपणे दिसत होता.