सण आला दिवाळीचा..! पुण्याच्या कुंभारवाड्यात दिवाळीची लगबग; पणत्या, मूर्त्या घडवण्यात कारागीर मग्न, पाहा खास फोटो

दिवाळी हा प्रकाशाचा सण. लहानांपासून मोठ्यांपर्यत हा आवडीचा सण येत्या काही दिवासांवर येऊन ठेपला आहे. गेली २ वर्ष कोविडमुळे घालण्यात आलेल्या निर्बंधामुळे कोणतेही सण साजरे करता आले नव्हते. मात्र, यंदा निर्बंधाविना दिवाळी साजरी करता येत असल्यामुळे नागरिकांमध्ये उत्साहाचं वातावरण आहे. पुण्यातील लक्ष्मी पेठेत नागरिकांनी दिवाळीच्या खरेदीसाठी मोठी गर्दी केली होती. गेल्या दोन वर्षात दिवाळी निर्बधात गेल्यामुळे बाजारपेठा ओस पडल्या होत्या. मात्र, यंदा कोणतेही निर्बंध नसल्यामुळे बाजरापेठा गर्दीने फुलून गेल्या आहेत. दिवाळीच्या खरेदीसाठी बाजारपेठांमध्ये नागरिकांची झुंबड उडाली आहे. घराघरांमध्येही दिवाळीची लगबग सुरु झाल्याचं पाहायला मिळत आहे. दिवाळी तोंडावर आल्यामुळे कारागिरही तयारीला लागले आहेत. पुण्यातील कुंभारवाड्यात कारागिरांकडून दिवाळीसाठी लागणाऱ्या पणत्या आणि मुर्त्या बनवण्याचे काम जोरात सुरु आहे. दिवाळीत लहान मुलांचा मुख्य आर्कषण असलेला किल्ला बनवण्यात कारागिरी मग्न आहेत. दिवाळीत लक्ष्मीपूजनासाठी लक्ष्मीच्या मूर्तीही कारागिरांकडून बनवण्यात येत आहे. आधी कोरोनाचं सावट आणि पाऊस यांचा फटका पुण्याच्या कुंभार समाजाला बसला आहे. गेल्या काही दिवसांपासून सतत पडत असणाऱ्या पावसामुळे तयार केलेल्या मातीच्या पणत्या सुकतच नाहीत. त्यामुळे त्या रंगवण्यासाठी आवश्यक असणारा वेळ दिवसागणिक कमी होऊ लागला आहे. यावर्षी ग्राहकांची पणत्यांना चांगली मागणी आहे. अवकाळी पावसामुळे झालेल्या नुकसानामुळे पणत्यांसह मुर्त्यांच्या किंमतीत वाढ झाल्याचे दिसून येत आहे. फोटो सौजन्य (ओशविन काधव, पवन खेंगरे, एक्सप्रेस)