शिखर बँक घोटाळा प्रकरणावर बोलताना फडणवीसांसोबतच्या सरकारचा उल्लेख; अजित पवार म्हणाले…

विधानसभेचे विरोधी पक्षनेते अजित पवार यांनी पत्रकार परिषदेतच सत्ताधाऱ्यांवर टीका केली महाराष्ट्रात पावसामुळे शेतकऱ्यांची खरीप व रब्बी ही दोन्ही पिके वाया गेली असून सरकारने ओला दुष्काळ जाहीर करावा- अजित पवार तसेच आपला शेतकरी राजा कसा उभा राहील यासाठी तातडीची मदत जाहीर करावी अशी मागणी राज्याचे विरोधी पक्षनेते अजित पवार यांनी आज पत्रकार परिषदेत केली. राज्यात पावसाने हाहाकार माजवला आहे. त्यामुळे शेतकऱ्यांना तत्काळ मदत करावी. यासाठी उद्या मुख्यमंत्री व उपमुख्यमंत्री यांची वेळ मागितली आहे. त्यांच्याकडे हे विषय मांडणार आहे असेही अजित पवार यांनी स्पष्ट केले. मागील महिन्यात झालेल्या अतिवृष्टीमुळे शेतकऱ्यांचे प्रचंड नुकसान झाले होते. शेतकऱ्यांच्या खात्यात पैसे जमा करतो, असे सरकारने सांगितले होते. मात्र अद्याप पैसे जमा केलेले नाहीत.- अजित पवार सध्या शेतकऱ्यांची दयनीय अवस्था झाली आहे. त्यामुळे मुख्यमंत्र्यांनी तातडीने लक्ष द्यावे- अजित पवार राज्य सरकारमार्फत जिल्हाधिकाऱ्यांना तसे आदेश देण्यात आले, तरच लोकांना दिलासा मिळेल असेही अजित पवार म्हणाले. पुण्यातील रस्त्यांना नद्यांचे स्वरूप आले आहे. वाहतुकीकडे कुणाचे लक्ष नाही. वाहतूककोंडीबाबत पोलिसांना विश्वासात घेण्याची गरज आहे- अजित पवार पुण्याला पावसाचा सर्वाधिक फटका बसला आहे. याकडे लक्ष द्यायला हवे- अजित पवार राज्यातील जनतेची शंभर रुपयात दिवाळी गोड करणार, असे सरकारमार्फत जाहीर करण्यात आले होते. त्यासाठी एका कंपनीला काही कोटीचे कंत्राट दिले आहे. मात्र अद्याप जनतेपर्यंत शिधा पोचलेला नाही- अजित पवार पारदर्शकपणे व माफक दरात लोकांना हा शिधा मिळावा अशी अपेक्षा आहे. मात्र यात काहीतरी गौडबंगाल आहे, असेही बोलले जात असल्याचे अजित पवार म्हणाले. राज्यात बेरोजगारी, महागाई वाढली आहे. नुसती भरती होणार आहे, अशा घोषणा सरकार करत आहे. तरुण याकडे डोळे लावून आहेत- अजित पवार शाळा बंद करण्याचा घाट घातला जात आहे. याबाबत सरकारने आपली भूमिका स्पष्ट करावी, अशी मागणीही अजित पवार यांनी केली. या सरकारला शंभर दिवस झाले, तरी लोकप्रतिनिधींना आपण काय बोलतोय आणि कसे बोलतोय याचे तारतम्य राहिलेले नाही. शिवाय अधिकार्यांशी उर्मट भाषेत बोलले जात आहे.- अजित पवार ही महाराष्ट्राची संस्कृती आहे का? असा संतप्त सवालही अजित पवार यांनी केला. अजित पवार यांना शिखर बँक घोटाळा प्रकरणावर भाष्य केले. आतापर्यंत अनेकवेळा चौकशी झाली. प्रत्येकवेळी अजित पवार यांचं नाव येतं. मात्र बाकीच्या ७५ जणांचं नाव येत नाही.- अजित पवार आता सरकार त्यांचे आहे. त्यांनी काय चौकशी करायची तर करावी. याआधी सहकार विभाग, निवृत्त न्यायाधीश, सीआयडी, एसीबी, ईओडब्ल्यू यांनी चौकशी केली होती.- अजित पवार मी एक नागरिक आहे. मी संविधान, कायदा मानणारा आहे. चौकशी करताना मला जी प्रश्न विचारली जातील त्यांना उत्तरं देण्याची माझी तयारी आहे.- अजित पवार कुठलेही सरकार नव्हते तेव्हा एसीबीने या प्रकरणात क्लीनचीट दिली होती. तेव्हा राज्यपाल यांच्याकडे कार्यभार होता. त्यानंतर देवेंद्र फडणवीस आणि मी ३ दिवसांच्या सरकारची स्थापना केली होती. पण राजीनामा दिल्यानंतर ते पडले, असा संदर्भ अजित पवार यांनी दिला.