राज ठाकरेंचं पुण्यावरील प्रेम; बघा या फोटोंमधून

महाराष्ट्र नवनिर्माण सेनेचे अध्यक्ष राज ठाकरे हे दोन दिवस पुणे दौऱ्यावर होते, त्यावेळी त्यांनी विविध कार्यक्रमांना हजेरी लावली. यावेळी त्यांना पुणेकरांकडूनही मोठा प्रतिसाद मिळाल्याचे दिसून आले. (फोटो-मनसे ट्विटर) पुण्यात महाराष्ट्र नवनिर्माण सेनेच्या शाखांचे उद्घाटन मनसे अध्यक्ष राज ठाकरेंच्या हस्ते झाले. पक्ष पदाधिकारी व कार्यकर्त्यांनी प्रचंड संख्येत गर्दी करत राज ठाकरेंचे स्वागत केले. काही ठिकाणी राज ठाकरेंचे औक्षणही करण्यात आले. राज ठाकरेंनी सहजीवन व्याख्यानमालेत ‘नवं काही तरी’ या विषयावर संवाद साधला, या कार्यक्रमासही मोठी गर्दी होती. यावेळी राज ठाकरे म्हणाले, “राजकारण म्हणजे फक्त निवडणुका नाहीत… राजकारणातही अनेक अंग आहेत तुम्ही विविधांगाने योगदान देऊ शकता.” “राजकारणात फक्त वारसा लागतो हे खोटं आहे… वारसाने तुम्ही एखाद्याला राजकारणात आणू शकता पण लादू शकत नाही.” “महाराष्ट्रात अनेक मुलं-मुली शेती क्षेत्रात क्रांतिकारी प्रयोग करत आहेत मी त्यांना भेटायला जाणारच आहे पण त्यांना राजकारणातही आणणार.” “मी महाराष्ट्राला आवाहन करू इच्छितो, तुम्ही कोणत्याही क्षेत्रात काम करत असाल, कोणत्याही वयोगटाचे असा… राजकारणात या मी संधी द्यायला तयार आहे.”