आधी नग्न करत धिंड काढली, मग सामूहिक बलात्कार; मणिपूरमधील पीडितेचे धक्कादायक खुलासे, म्हणाली…

मणिपूरमधील दोन महिलांना जमावाने नग्न करत धिंड काढली आणि त्यांच्यावर सामूहिक बलात्कार केल्याचा संतापजनक प्रकार समोर आला. या घटनेचा व्हिडीओ व्हायरल झाल्यानंतर गुरुवारी (२० जुलै) या दोन पीडितेंपैकी एका महिलेने इंडियन एक्स्प्रेसला दिलेल्या प्रतिक्रियेत आपली कैफियत सांगितली. यात तिने पोलिसांनीच आम्हाला जमावाच्या ताब्यात दिल्याची धक्कादायक माहिती दिली आहे. यामुळे पोलिसांच्या कार्यप्रणालीवरच प्रश्नचिन्ह निर्माण झालं आहे. वयवर्षे २० आणि ४० असलेल्या या दोन पीडित महिलांचा एक व्हिडीओ सोशल मीडियावर व्हायरल झाला. १८ मे रोजी दाखल झालेल्या गुन्ह्यात जबाब देताना एका पीडितेने २० वर्षाच्या पीडितेवर सामूहिक बलात्कार झाल्याचंही म्हटलं आहे. यात काही लोक या महिलांना नग्न करत धिंड काढताना रस्त्यावरून चालताना दिसत आहेत. इतकंच नाही, तर जमावातील लोकांनी या महिलांच्या शरीराला ओरबाडत शारीरिक अत्याचारही केले. जमावाने आमच्या गावावर हल्ला केल्यानंतर आसरा घेण्यासाठी आम्ही जंगलाकडे पळालो - पीडित महिला यानंतर थौबाल पोलिसांनी आमची सुटका केली आणि पोलीस स्टेशनला घेऊन गेले - पीडित महिला मात्र, पोलीस स्टेशनपासून २ किलोमीटर अंतरावर असतानाच जमावाने आम्हाला थांबवलं - पीडित महिला काही अंतरावर गेल्यावर पोलिसांनी आम्हाला रस्त्यावर जमावाबरोबर सोडून दिलं - पीडित महिला पोलिसांनीच आम्हाला जमावाच्या हवाली केलं - पीडित महिला जमाव त्यांच्या गावावर हल्ला करत होता तेव्हा पोलीसही हजर होते - पीडित महिला