“धूर निघाला म्हणजे आग लागली आहे का?”; पत्रकाराच्या प्रश्नावर मंत्री शंभुराज देसाई म्हणाले…

शिवसेनेच्या ठाकरे गटातील खासदार संजय राऊत यांनी "मराठा आरक्षणाच्या मुद्द्यावर मंत्रीमंडळ बैठकीत दोन मंत्री एकमेकांच्या अंगावर धावून गेले. मंत्रीमंडळ बैठकीत गँगवॉर झालं, चकमक झाली," असा दावा केला. याला शिवसेनेच्या शिंदे गटातील मंत्री शंभुराज देसाई यांनी संजय राऊतांच्या आरोपांना प्रत्युत्तर दिलं आहे. ते नेमकं काय म्हणाले याचा हा आढावा... हे असं कशावरून घडलं आहे - शंभुराज देसाई आम्ही मंत्रीमंडळ बैठकीत होतो. असं काही घडलं असतं, तर तुम्हाला बाहेर आल्यावर समजलं असतं ना - शंभुराज देसाई आम्ही मंत्रीमंडळाच्या बैठकीनंतर एकमेकांच्या हातात हात घालून बाहेर आलो. चर्चा खेळीमेळीत झाली - शंभुराज देसाई जे मंत्रीमंडळ बैठकीत घडलंच नाही, ते घडलं असं भासवलं जात आहे - शंभुराज देसाई ज्यांना दुसरं काम नाही, विकासाची दृष्टी नाही, राज्याला चांगले विचार द्यायचे नाही ते जाणीवपूर्वक टीका करत आहेत - शंभुराज देसाई कंड्या पसरवत आहेत, अफवा उठवत आहेत. राऊतांना हे एकच काम आहे. त्यामुळे राऊतांना महाराष्ट्र गांभीर्याने घेत नाही - शंभुराज देसाई संजय राऊतांना कोण माहिती देतं मला माहिती नाही. राऊतांचे खबरे त्यांना चुकीची माहिती देत आहेत - शंभुराज देसाई हे खबरे राऊतांना कधीतरी अडचणीत आणतील - शंभुराज देसाई मंत्रीमंडळात गँगवॉर हा हास्यास्पद शब्द संजय राऊतांसारखा चारवेळा खासदार राहिलेला व्यक्ती वापरतो. याचं आम्हाला आश्चर्य वाटतं - शंभुराज देसाई मंत्रिमंडळातील सर्व मंत्री जबाबदार व्यक्ती आहेत. राऊत म्हणत आहेत असं किंचितही मंत्रीमंडळ बैठकीत काही घडलेलं नाही - शंभुराज देसाई आमचे सहकारी हसन मुश्रीफ यांनी सकाळीच सांगितलं आहे की, राऊतांनी असं सिद्ध केलं, याचे पुरावे दाखवले, तर आम्ही राजीनामा देऊ - शंभुराज देसाई मी मुश्रीफ यांच्या भूमिकेशी १०० टक्के सहमत आहे - शंभुराज देसाई संजय राऊत दावा करत आहेत असं बिल्कूल काहीही घडलेलं नाही - शंभुराज देसाई संजय राऊतांना ही सवय आहे की, उचलली जीभ लावली टाळ्याला. ते मनाला वाटेल ते बोलतात - शंभुराज देसाई त्यांच्याकडे आम्ही कुणीही गांभीर्याने बघत नाही. राऊतांना तेवढ्यासाठीच नेमलं आहे - शंभुराज देसाई ते त्यांना दिलेलं काम चोख बजावत आहेत. मात्र, त्याकडे गांभीर्याने बघावं अशी बाब नाही - शंभुराज देसाई (सर्व छायाचित्र - संग्रहित, लोकसत्ता ग्राफिक्स टीम)