PHOTOS : राज्यात आतापर्यंत सरासरी किती पाऊस, पेरणीची काय आहे स्थिती? ‘या’ विभागांना अजूनही पावसाची प्रतीक्षाच, वाचा माहिती

राज्यात आतापर्यंत सरासरीच्या १२३.२ टक्के पाऊस झाला असून पेरण्याही समाधानकारक झाल्या आहेत. (संग्रहित छायाचित्र) राज्यातील सर्व धरणांमध्ये ३९.१७ टक्के पाणी साठा असून गेल्या वर्षी याच सुमारास ४३.६५ टक्के पाणी साठा होता. (फोटो- लोकसत्ता टीम) मात्र औरंगाबाद विभागात सर्वात कमी म्हणजे १२.१३ टक्के पाणीसाठा असून नाशिक विभागात तो २८.३४ टक्के इतका आहे. (संग्रहित छायाचित्र) राज्यातील १ हजार २१ गावे आणि २ हजार ५१८ वाड्यांमध्ये अजूनही एक हजार ३६५ टँकर्सद्धारे पाणीपुरवठा सुरू आहे. राज्य मंत्रिमंडळाच्या बैठकीत पाऊस, पीक-पेरण्या, पाणीसाठा, टँकर्स आदींसंदर्भात कृषी विभागाने सादरीकरण केले. (छायाचित्र - लोकसत्ता टीम) मुंबईसह कोकण, विदर्भ, पश्चिम महाराष्ट्राच्या बऱ्याचशा भागात सरासरीहून अधिक पाऊस झाला असला तरी औरंगाबाद व नाशिक विभागात कमी पाऊस झाला आहे. (प्रातिनिधिक छायाचित्र) राज्यात २२ जुलैपर्यंत सरासरी ५४५ मि.मी. पाऊस झाला आहे. (संग्रहित छायाचित्र) मागील वर्षी या दिवसापर्यंत सरासरी ४२२ मि.मी. पाऊस झाला होता. ( संग्रहित छायाचित्र) राज्यात खरिपाचे ऊस वगळून १४२.२ लाख हेक्टर क्षेत्र असून आतापर्यंत १२८.९४ लाख हेक्टर क्षेत्रावर पेरणी झाली आहे. (प्रातिनिधिक छायाचित्र)) हेही वाचा- धर्मवीर भाग दोनच्या ट्रेलरवरून राजकारण तापलं, आनंद दिघेंचे पुतणे केदार दिघेंनी घेतला आक्षेप, एकनाथ शिंदेंचा उल्लेख करत म्हणाले…