Photos : एजबस्टन कसोटीसाठी भारतीय संघाची जय्यत तयारी, सराव सत्रात गाळला घाम

गेल्यावर्षी अर्धवट राहिलेली कसोटी मालिका पूर्ण करण्यासाठी भारतीय संघ इंग्लंडला पोहचला आहे. १६ जून रोजी भारतीय कसोटी संघ लंडनला रवाना झाला होता. तिथे पोहचल्यानंतर खेळाडूंनी जोरदार तयारी सुरू केली आहे. दक्षिण आफ्रिकेविरुद्धची टी २० मालिका संपल्यानंतर प्रशिक्षक राहुल द्रविडही संघाला येऊन मिळाले आहेत. रोहित शर्माच्या नेतृत्त्वाखाली भारत इंग्लंडमध्ये पहिलीच कसोटी खेळणार आहे. शार्दुल ठाकूर आणि जसप्रीत बुमराहने जोरदार सराव केला. स्ट्रेंथ अँड कंडिशनिंग कोच, सोहम देसाईंनी खेळाडूंकडून चांगलाच घाम गाळून घेतला आहे. (सर्व फोटो सौजन्य - बीसीसीआय ट्विटर) भारताचा माजी कर्णधार विराट कोहलीने फलंदाजीचा सराव केला. (फोटो सौजन्य - विराट कोहली ट्विटर) शुबमन गिल आणि शार्दुल ठाकूर सरावादरम्यान चर्चा करताना दिसत आहेत. (फोटो सौजन्य - शुबमन गिल ट्विटर)