IPL 2023 Ruled Out Players: यावर्षीच्या आयपीएलवर दुखापतींचं ग्रहण! १२ हून अधिक स्टार खेळाडू जखमी, RCB-CSK सर्वाधिक फटका

जगातील सर्वोत्तम वेगवान गोलंदाज जसप्रीत बुमराह यंदा आयपीएलमध्ये खेळताना दिसणार नाही. मुंबई इंडियन्सचा स्टार गोलंदाज जसप्रीत बुमराह पाठदुखीमुळे बऱ्याच दिवसांपासून क्रिकेटच्या मैदानापासून दूर होता, मात्र नुकतीच न्यूझीलंडमध्ये त्याच्यावर शस्त्रक्रिया करण्यात आली, तीही यशस्वी ठरली. त्याला मैदानात परतण्यासाठी आणखी किमान सहा महिने लागू शकतात. आयपीएल सुरू होण्यापूर्वी मुंबई इंडियन्सला दोन मोठे धक्के बसले आहेत. स्टार बॉलर जसप्रीत बुमराहनंतर झ्ये रिचर्डसनलाही दुखापतीमुळे माघार घ्यावी लागली आहे. ऑस्ट्रेलिया सर्वात तरुण गोलंदाज म्हणून त्याची ओळख आहे. बिग बॅश लीगमध्ये त्याच्या भेदक गोलंदाजीने सर्वांनाच प्रभावित केले. आयपीएल २०२३च्या लिलावात अनेक फ्रँचायझींनी जगातील सर्वोत्तम खेळाडूंना खरेदी केले. जोश हेझलवूड सारखा खेळाडू आयपीएलमध्ये चमक दाखवेल अशी क्रिकेट चाहत्यांना अपेक्षा होती. पण असे झाले नाही. जगभरातील असे काही खेळाडू आहेत जे आयपीएलमध्ये सहभागी आहेत, जे लीग सुरू होण्यापूर्वीच जखमी झाले होते. दुखापतीमुळे तो बॉर्डर-गावसकर ट्रॉफीमध्ये पण खेळला नव्हता. गुजरात टायटन्सला नुकताच केन विल्यमसनच्या रूपाने मोठा झटका बसला असून तो मोसमातील पहिल्याच सामन्यात दुखापतग्रस्त होऊन मायदेशी परतला आहे. विल्यमसनची आयपीएलमधून बाहेर पडणे हा हार्दिक पांड्या आणि कंपनीसाठी मोठा धक्का आहे. गुजरात टायटन्समध्ये विल्यमसनची जागा आता जेसन रॉयने घेतली आहे. यावेळी चेन्नई सुपर किंग्सने आयपीएलच्या मिनी लिलावात न्यूझीलंडचा वेगवान गोलंदाज काईल जेम्सनला एक कोटी रुपयांना विकत घेतले. मात्र दुखापतीमुळे तो यावेळी आयपीएलमध्ये खेळताना दिसणार नाही. त्याच्या पाठीत स्ट्रेस फ्रॅक्चर आहे, ज्यावर शस्त्रक्रिया करावी लागेल. यामुळे त्याला क्रिकेटच्या मैदानापासून दूर राहावे लागणार आहे. चेन्नई सुपर किंग्जकडून गेल्या मोसमात शानदार गोलंदाजी करणारा गोलंदाज मुकेश चौधरीही दुखापतीमुळे लीगमधून बाहेर पडला आहे. तो या संपूर्ण हंगामात खेळणार नाही. गेल्या मोसमात मुकेश चौधरीने चेन्नई सुपर किंग्जकडून १६ विकेट्स घेतल्या होत्या. दिल्ली कॅपिटल्सचा कर्णधार ऋषभ पंत आयपीएलच्या १६व्या हंगामात खेळताना दिसणार नाही. गेल्या वर्षी डिसेंबरमध्ये कार अपघातात ते गंभीर जखमी झाले होते. अलीकडेच, त्याच्या सोशल मीडियावर फोटो शेअर करून, त्याने चाहत्यांना पुनरागमन करण्याची इच्छा जागृत केली होती, परंतु तो आयपीएल २०२३ मध्ये खेळताना दिसणार नाही. राजस्थान रॉयल्सचा सर्वात अनुभवी वेगवान गोलंदाज प्रसिद्ध कृष्णा यंदाच्या आयपीएलमध्ये खेळताना दिसणार नाही. राजस्थान रॉयल्ससाठी हा मोठा धक्का आहे. तुम्हाला सांगतो की, प्रसिद्ध कृष्णा गेल्या मोसमात सर्वाधिक विकेट्स घेण्याच्या बाबतीत दुसऱ्या क्रमांकावर होता. प्रसिद्ध कृष्णा ऑगस्ट २०२२ धावत आहे जखमी. यामुळेच तो यंदाच्या आयपीएलच्या १६व्या हंगामात खेळू शकणार नाही. रॉयल चॅलेंजर्स बंगळुरूचा विल जॅकही दुखापतीमुळे बाहेर आहे. बांगलादेश दौऱ्यावर तो जखमी झाला होता. संघासाठीही हा सर्वात मोठा धक्का मानला जात आहे. लिलावात आरसीबीने जॅकवर मोठी बोली लावली आणि त्याला ३.२ कोटी रुपयांना खरेदी करून संघात समाविष्ट केले. त्याच्या जागी मायकेल ब्रेसवेलचा समावेश करण्यात आला आहे. रॉयल चॅलेंजर्स बंगळुरूचा गेल्या मोसमातील हिरो रजत पाटीदार टाचेच्या दुखापतीमुळे आयपीएल २०२३ मधून बाहेर पडला आहे. गेल्या मोसमात त्याने आठ सामन्यात एकूण ३३३ धावा केल्या होत्या. रॉयल चॅलेंजर्स बंगळुरूने अधिकृतपणे जाहीर केले आहे. पायाच्या स्नायूच्या दुखापतीमुळे तो स्पर्धेतून बाहेर पडला आहे. एका ट्विटमध्ये आरसीबीने म्हटले आहे की, “तो लवकर बरे व्हावा आणि फ्रॅंचायझी त्याच्या उपचारादरम्यान सर्वतोपरी मदत करेल.” सध्या प्रशिक्षक आणि व्यवस्थापनाने रजत पाटीदारच्या जागी अन्य कोणत्याही खेळाडूचा संघात समावेश केला जाणार नाही, असा निर्णय घेतला आहे. जॉनी बेअरस्टो देखील आयपीएलच्या नव्या मोसमात दिसणार नाही. बेअरस्टो दुखापतीमुळे बाहेर आहे. गेल्या वर्षी सप्टेंबरमध्ये गोल्फ खेळताना त्याला दुखापत झाली होती. त्याच्या जागी पंजाब किंग्जने ऑस्ट्रेलियाचा युवा फलंदाज मॅथ्यू शॉर्टचा संघात समावेश केला आहे. पाठदुखीने त्रस्त असलेला श्रेयस अय्यरही आयपीएलच्या नव्या मोसमाच्या सलामीच्या सामन्यात दिसणार नाही. पाठदुखीमुळे तो ऑस्ट्रेलियाविरुद्धच्या सामन्यातून बाहेर पडला होता. त्याला शस्त्रक्रिया करण्याचा सल्ला देण्यात आला आहे. त्याच्यावर शस्त्रक्रिया झाल्यास तो काही आयपीएल सामने खेळू शकणार नाही. श्रेयार हा कोलकाता नाईट रायडर्सचा कर्णधार आहे. त्यांच्या अनुपस्थितीत नितीश राणा कर्णधार असेन.