‘युरोपमध्ये कोणीही क्रिकेट पाहत नाही’, मँचेस्टर सिटीच्या फुटबॉलपटूचे क्रिकेटच्या लोकप्रियतेवर प्रश्नचिन्ह

मँचेस्टर सिटीचा फुटबॉलपटू केव्हीन डी ब्रुयनने त्याचा संघ सहकारी जेम्स मॅकएटीसह नुकतेच 'एआय शोडाउन' नावाच्या एका क्विझ सेगमेंटमध्ये भाग घेतला होता. या क्विझमध्ये केव्हीन डी ब्रुयन आणि जेम्स मॅकएटीला युरोपमध्ये पाच सर्वात लोकप्रिय खेळांची नावे विचारण्यात आली होती. दरम्यान फुटबॉल, क्रिकेट, बास्केटबॉल, टेनिस आणि फॉर्म्युला १ हे अनुक्रमे युरोपीय खंडातील सर्वात लोकप्रिय खेळ आहेत, हे समजल्यानंतर डी ब्रुयनेला धक्का बसला. "या यादीत क्रिकेट दुसऱ्या क्रमांकावर कसे असू शकते? हे खरे नाही" असे डी ब्रुयनने आश्चर्यचकित होऊन म्हटले. डी ब्रुयन पुढे म्हणाला की, "प्रामाणिकपणे सांगायचे तर मला युरोपमध्ये क्रिकेट पाहणारा कोणीही माहित नाही." डी ब्रुयन हा बेल्जियमचा एक व्यावसायिक फुटबॉलपटू आहे. तो इंग्लिश प्रीमियर लीगमध्ये मँचेस्टर सिटीसाठी आणि बेल्जियमच्या राष्ट्रीय संघात मिडफिल्डर म्हणून खेळतो. ब्रुयनला पासिंग आणि खेळातील इतर कौशल्यांसाठी जगातील सर्वोत्तम खेळाडूंपैकी एक मानले जाते. ब्रुयनने मँचेस्टर सिटीकडून प्रीमियर लीग, एफए कप आणि यूईएफए चॅम्पियन्स लीगसह अनेक जेतेपदे जिंकली आहेत. डी ब्रुयनेला जगातील सर्वोत्तम खेळाडू म्हणून ओळखला जातो. त्याला त्याच्या पिढीतील सर्वोत्तम मिडफिल्डरपैकी एक मानले जाते. (सर्व फोटो सौजन्य: @KevinDeBruyne/X)