आलिशान घर ते कार्स कलेक्शन; आशिया चषक गाजवणाऱ्या अभिषेक शर्माकडे किती आहे संपत्ती?

अभिषेक शर्माने आशिया कपमध्ये सर्वोत्तम कामगिरी केली आहे. तो सर्वाधिक धावा करणारा खेळाडू ठरला आहे. त्याने ओमान, पाकिस्तान आणि बांगलादेशविरुद्ध तीन स्फोटक अर्धशतके झळकावली आहेत, तब्बल २०८ च्या स्ट्राईक रेटसह त्याने सर्व सामन्यांवर वर्चस्व गाजवले आहे. स्पर्धेत सर्वाधिक षटकार मारण्याच्या यादीत अभिषेक शर्माच आघाडीवर आहे, त्याने आतापर्यंत १७ षटकार ठोकले आहेत. त्याच्या आंतरराष्ट्रीय कामगिरीव्यतिरिक्त, शर्मा आयपीएलमधूनही लक्षणीय कमाई करतो, तो सनरायझर्स हैदराबादचे प्रतिनिधित्व करतो, सनरायझर्सने त्याला २०२५ मध्ये १४ कोटींमध्ये कायम ठेवले. अभिषेक शर्माचे बीसीसीआयबरोबर ग्रेड सी सेंट्रल कॉन्ट्रॅक्ट आहे, ज्यामधून तो दरवर्षी १ कोटी रुपये कमावतो, त्याचबरोबर ब्रँड एंडोर्समेंटमधूनही अधिकचे उत्पन्न मिळवतो. अमृतसरच्या एका आलिशान भागात त्याचा आधुनिक सोयीसुविधांनी सज्ज असा प्रशस्त बंगला आहे, ज्याची किंमत कोट्यवधी रुपये असल्याची सांगितले जाते. आलिशान जीवनशैली जगणाऱ्या अभिषेक शर्माकडे अनेक महागड्या गाड्या आणि घड्याळं आहेत, मीडिया रिपोर्ट्सनुसार त्यांची एकूण संपत्ती सुमारे ३० कोटी रुपये इतकी आहे. त्याच्याकडे टोयोटा इनोव्हा, बीएमडब्ल्यू ३२०डी, फॉर्च्युनर, महिंद्रा थार आणि महिंद्रा एक्सयूव्ही ३एक्सओ यासारख्या महागड्या कार्सचं कलेक्शन आहे. (सर्व फोटो साभार- अभिषेक शर्मा इन्स्टाग्राम)हेही पाहा- T20I मधले सिक्सर किंग! शेवटच्या षटकांत तुफान फटकेबाजी करणारे टॉप ५ खेळाडू, आशिया चषकात हार्दिक पांड्या घडवणार इतिहास…