Photos : “शिवसेनेचे आमदार गेले असले तरी…”; मुख्यमंत्र्यांनी ‘वर्षा’ सोडल्यानंतर शिवसैनिक भावूक

महाराष्ट्रात सध्या राजकीय उलथापालथ सुरू आहे. (फोटो : दीपक जोशी, इंडियन एक्सप्रेस) शिवसेना नेते एकनाथ शिंदे यांनी पुकारलेल्या बंडामुळे महाविकास आघाडी सरकार संकटात आले आहे.(फोटो : ANI) २२ जून रोजी मुख्यमंत्री आणि शिवसेना पक्षप्रमुख उद्धव ठाकरे यांनी जनतेशी संवाद साधताना सांगितल्याप्रमाणे रात्रीच मातोश्रीची वाट धरली. (फोटो : ANI) उद्धव ठाकरे यांनी ‘वर्षा’ या मुख्यमंत्री निवासस्थानावरून मातोश्रीवर मुक्काम हलवला. (फोटो : ANI) मुख्यमंत्रीपदी असताना वर्षा हे शासकीय निवासस्थान सोडणारे ठाकरे हे पहिलेच मुख्यमंत्री ठरले आहेत. (फोटो : ANI) मुख्यमंत्र्यांना निरोप देण्यासाठी ‘वर्षा’पासून ते वांद्रयापर्यंत ठिकठिकाणी शिवसैनिकांनी हजारोंच्या संख्येने गर्दी करत शक्तिप्रदर्शन केले. मुख्यमंत्री उद्धव ठाकरे हे वर्षा निवासस्थानातून बाहेर पडले तेव्हा त्यांच्यावर फुलांची उधळण करण्यात आली. (फोटो : ANI) यावेळी शिवसैनिकांकडून मुख्यमंत्री उद्धव ठाकरेंच्या समर्थनार्थ घोषणाबाजी करण्यात आली. (फोटो : दीपक जोशी, इंडियन एक्सप्रेस) “शिवसेनेचे आमदार गेले असले तरी असे आमदार पुन्हा निवडून आणण्याची शिवसेनेची ताकद आहे.”, असा विश्वास शिवसैनिकांनी दाखविला. (फोटो : दीपक जोशी, इंडियन एक्सप्रेस) तसेच एकनाथ शिंदे व त्यांच्यासोबतचे आमदार हे हिंदुत्वासाठी नव्हे तर ईडीची कारवाई टाळण्यासाठी भाजपबरोबर गेले आहेत, अशा भावना शिवसैनिक माध्यमांशी बोलताना व्यक्त करत होते.(फोटो : दीपक जोशी, इंडियन एक्सप्रेस) शिवसैनिकांच्या गर्दीमुळे वर्षा ते मातोश्री हे अंतर गाठण्याकरिता ठाकरे यांच्या गाड्यांच्या ताफ्याला सुमारे सव्वा तास लागला.(फोटो : ANI) मोठ्या संख्येवर जमलेल्या शिवसैनिकांना मुख्यमंत्र्यांनी गाडीतून उतरून अभिवादन केले. (फोटो : इंडियन एक्सप्रेस) तर आदित्य ठाकरेंनी वज्रमूठ दाखवत लढण्याचा निर्धार व्यक्त केला.(फोटो : ANI) शिवसैनिकांची गर्दी पाहून मुख्यमंत्री उद्धव ठाकरे यांच्या पत्नी रश्मी ठाकरे भावूक झाल्या होत्या. (फोटो : ANI) (फोटो : दीपक जोशी, इंडियन एक्सप्रेस)