Photos: समुद्राच्या तळापासून ते सियाचीनच्या बर्फाच्छादित डोंगररांगांपर्यंत…ध्वजारोहणाच्या ‘या’ Unique जागा पाहून व्हाल थक्क

आज देशाचा ७६वा स्वातंत्र्यदिवस सगळीकडे मोठ्या उत्साहात साजरा केला जात आहे. पंतप्रधान नरेंद्र मोदींनी दिल्लीतील लाल किल्ल्यावर ध्वजारोहण करत देशातील जनतेला स्वातंत्र्यदिनाच्या शुभेच्छा दिल्या. अमृतमहोत्सवी स्वातंत्र्यदिनाची धामधुम संपूर्ण देशात पाहायला मिळत आहे. वेगवेगळ्या पद्धतीने नागरिक स्वातंत्र्यदिवस साजरा करताना दिसत आहेत. देशाचे स्वातंत्र्य अबाधित ठेवण्यासाठी सीमेवर लढणाऱ्या जवानांनीही मोठ्या उत्साहात स्वातंत्र्यदिन साजरा केला. सर्वाधिक उंचीवर असलेल्या युद्धभूमीवर सियाचीनच्या बर्फाळ प्रदेशात भारतीय सैन्याने ध्वजारोहण करत स्वातंत्र्यदिन साजरा केला. यावेळी जवानांनी राष्ट्रगीत गायले. सियाचीनच्या बर्फाच्छादित डोंगररांगात ध्वजारोहण करताना जवान. तिरंग्याला मानवंदना देताना भारतीय जवान. सियाचीनच्या ग्लेशियरमध्ये अभिमानाने तिरंगा फडकवताना भारतीय सैन्य. लेहरा दो, लेहरा दो... भारतीय कोस्ट गार्डने अमृतमहोत्सवी स्वातंत्र्यदिन अनोख्या पद्धतीने साजरा केला. अंदमान आणि निकोबार बेटांवर भारतीय कोस्ट गार्डने पाण्याखाली तिरंगा फडकवला. पाण्याखाली तिरंगा फडकवताना कोस्ट गार्डचे जवान. लडाखमधील आयटीबीपी जवानांनी ७६वा स्वातंत्र्यदिन साजरा केला. पॅंगॉंग तलावाजवळ ध्वजारोहण करताना आयटीबीपीचे जवान. यावेळी जवानांनी परेड केली. राष्ट्रगीत गाऊन तिरंग्याला मानवंदना दिली. (सर्व फोटो : ANI) (हेही पाहा >> देस मेरे, देस मेरे… कोणी परदेशात तर कोणी गच्चीवर फडकवला तिरंगा; पाहा सेलिब्रिटींचं Independence Day Celebration )