Photos : नागपूरकरांची मुसळधार पावसामुळे दाणादाण, अंबाझरी तलाव ओव्हरफ्लो, वस्त्यांमध्ये पाणी

रात्रभर झालेल्या मुसळधार पावसामुळे नागपूरचा अंबाझरी तलाव ओव्हरफ्लो झाला असून परिसरातील वस्त्यांमध्ये पाणी शिरले. शेकडो घरात पाणी शिरले. शुक्रवारी मध्यरात्रीनंतर सुमारे ३ वाजता ही घटना घडली. अंबाझरी तलावाच्या एका टोकाला असलेल्या विवेकानंद पुतळ्याजवळ तलावाचा विसर्ग पॉईंट आहे. तेथून वेगाने पाणी प्रथम रस्त्यावर आणि नंतर रस्त्यालगतच्या अंबाझरी लेआऊटमधील घरात शिरले. याच वस्तीत अंधाची शाळा आहे.तेथे पाणी शिरले. मुलांना पहिल्या माळ्यावर हलवण्यात आले. महापालिकेचे सुमारे ४० अधिकारी घटनास्थळी पोहचले असून वस्त्यांमधील पाणी काढले जात आहे. सुरूवातीला तलाव फुटल्याची माहिती होती. पण महापालिका अग्निशमन विभागाने ती फेटाळली. तलाव ओव्हरफ्लो झाल्याचे सांगितले. नागपुरातील सिताबर्डी परिसर व रस्ते आणि पाण्यात बुडालेला मोरभवन बस स्थानक व त्यामधील बसेस आणि बसेसमध्ये अडकलेली माणसे. अभ्यंकर नगर मधील लोकांच्या घरातील वाहने वाहत गांधीनगर परिसरात आली आहे. गांधीनगर येथील महापालिकेचे इंदिरा गांधी रुग्णालयात पाणी शिरल्यामुळे तेथील व्यवस्था कोलमडली. शंकर नगरसह महावितरणचे अनेक सबस्टेशन पाण्यात; वीज पुरवठा खंडित नागपूर शहरात अनेक ठिकाणी रस्त्यांवर तलावाचे पाणी पसरल्याने रस्ते वाहतूक ठप्प आहे या सर्व परिस्थितीवर लक्ष ठेवून असल्याची माहिती ट्वीटरद्वारे उपमुख्यमंत्री देवेंद्र फडणवीस यांनी दिली आहे.