Photos: मुंबईमध्ये सोमवारीही पावसाचा जोर कायम; उपनगरांत पहाटेपासून हजेरी…

मुंबईमध्ये शनिवार, रविवार व आज सोमवारीही पावसाची दमदार हजेरी पाहायला मिळते आहे. त्यामुळे मुंबईकरांना कामावर पोहोचताना पावसाच्या तडाख्याचा सामना करावा लागतो आहे. या पावसाचा काहीसा फटका गणेश भक्तांनाही बसल्याचे पाहायला मिळाले. मुंबईत गणपती आगमन सुरु असताना टिपलेला क्षण. त्यामुळे मुंबईकर सध्या कामावरुन ये-जा करताना छत्र्यांचा व रेनकोट्सचा आधार घेताना पाहायला मिळताहेत. हे सर्व फोटो लोकसत्ताच्या छायाचित्ररकारांनी मुंबई व उपनगरात टिपली आहेत. रविवारी मुंबईत मुसळधार पाऊस कोसळत असल्याने आयएमडीने शहरासाठी ऑरेंज अलर्ट जारी केला होता. तर दुसरीकडे १७ ते १९ऑगस्ट दरम्यान कोकण, गोवा, मध्य महाराष्ट्रातील घाट भागात आणि १९ व २० ऑगस्टला गुजरातमधील सौराष्ट्रात मुसळधार पावसाची शक्यता हवामान विभागाने वर्तवली आहे. आजपासून २१ ऑगस्टपर्यंत मध्य महाराष्ट्र, गुजरात, २० ऑगस्टपर्यंत कोकण, गोवा, १८ ऑगस्टला मराठवाड्यातील काही ठिकाणी अतिमुसळधार पावसाची शक्यता आहे. (सर्व फोटो साभार- एक्सप्रेस फोटो- आकाश पाटील) हेही पाहा- Photos : जम्मू-काश्मीरच्या किश्तवाडमध्ये ढगफुटीनंतर बचावकार्य सुरू; किमान ६० जणांचा मृत्यू, शेकडो बेपत्ता