Photos: टेरेस, स्विमिंगपूल अन्…; अलिबागमधील गावात विराट कोहली बांधणार १३ कोटींचं घर, पाहा फोटो

भारताचा स्टार क्रिकेटर विराट कोहलीने सप्टेंबर महिन्यात गणेशोत्सवाच्या मुहुर्तावर अलिबागमध्ये आठ एकर जागा खरेदी केली होती. विराटने ही जमीन एकूण १९ कोटी २४ लाख ५० हजार रुपयांना खरेदी केली होती. या जागेसाठी त्याने १ कोटी १५ लाख ४५ हजार रुपयांची स्टॅम्प ड्युटी सरकारच्या तिजोरीत जमा केली होती. त्यादरम्यान आशिया कप क्रिकेट स्पर्धेसाठी दुबईत असलेल्या विराटसाठी त्याच्या भावाने ‘पॉवर ऑफ अटर्नी’द्वारे हा व्यवहार पूर्ण केला होता. विराट अलिबागमधील या हवेशीर जागेवर फार्महाऊस बांधणार आहे. विराट-अनुष्काच्या अलिबागमधील घराची झलक आता समोर आली आहे. विराट-अनुष्का अलिबागमधील आवास गावात खरेदी केलेल्या जागेवर चार बीएचके फार्महाऊस बांधणार आहेत. ‘इकोनॉमिक टाइम्स’ने दिलेल्या वृत्तानुसार, चार बीएचके फार्महाऊस बांधण्यासाठी १०.५ ते १३ कोटींचा खर्च करण्यात येणार आहे. विरुष्काचं अलिबागमधील फार्म हाऊस ‘आवास वेलनेस’ या फर्मकडून डिझाइन करण्यात येणार आहे. ‘आवास वेलनेस’ यांच्या सोशल मीडिया अकाऊंटवरुन विरुष्काच्या अलिबागमधील घराचे थ्रीडी डिजिटल मॉडेलचे फोटो शेअर करण्यात आले आहेत. विराट-अनुष्काच्या अलिबागमधील या आलिशान घरात चार बेडरुम, चार बाथरुम व दोन गॅरेज असणार आहेत. याबरोबरच विरुष्काच्या फार्म हाऊसला टेरेसही असणार आहे. विरुष्कासाठी खास स्विमिंग पूलही बांधण्यात येणार आहे. स्विमिंगपूलजवळच डायनिंग एरिया तयार करण्यात येणार आहे. विरुष्काच्या अलिबागमधील या फार्म हाऊस बाहेर मोठा गार्डन एरिया तयार करण्यात येणार आहे. “विराटला मॉडर्न व क्लासिक असं इंटेरिअर हवं आहे. इथे आल्यावर शांत व रिलॅक्स वाटेल, असं घर त्याला पाहिजे. त्याला चमकदार इंटेरिअर नको आहे”, असं आवास वेलनेच्या सीईओंनी सांगितलं. (सर्व फोटो: विराट कोहली, आवास वेलनेस/ इन्स्टाग्राम ) (हेही पाहा>> Unseen Photos: ‘चंद्रा’ची पहिली लूक टेस्ट ते शूटिंगचा शेवटचा दिवस, अमृता खानविलकरच्या वाढदिवसानिमित्त प्रसाद ओकने शेअर केले खास फोटो)