Photos: पुण्याच्या Golden Guysचा नादखुळा! मर्सिडीज, बीएमडब्ल्यू, ऑडी अन्…; ‘गोल्डन कार’ कलेक्शन पाहिलंत का?

‘बिग बॉस हिंदी’चं सोळावं पर्व पहिल्या दिवसापासूनच चर्चेत आहे. या पर्वात चार सदस्यांनी वाइल्ड कार्डमधून एन्ट्री घेतली. वाइल्ड कार्डमधूनच गोल्डन बॉइज सनी नानासाहेब वाघचौरे व संजय गुजर यांनी बिग बॉसच्या घरात प्रवेश केला आहे. सनी व संजय दोघेही मुळचे पुण्याचे आहेत. Golden Guys म्हणून ते प्रसिद्ध आहेत. सनी वाघचौरे व संजय गुजर दोघेही कायम गळ्यात अडीच ते तीन किलोचे सोन्याचे दागिने घालून फिरतात. अनेक कार्यक्रमांमध्येही त्यांना बोलावलं जातं. ‘गोल्डन गाइज’ म्हणून प्रसिद्धी मिळविलेल्या सनी व संजयकडे महागड्या कारचं कलेक्शन आहे. विशेष म्हणजे या सगळ्या कारलाही सोन्याचा मुलामा देण्यात आलेला आहे. जॅग्वार एक्सई ही सुमारे ५० लाख किमतीची कार त्यांच्याकडे आहे. मोठमोठ्या सेलिब्रिटींकडे असणारी ‘ऑडी क्यू ७’ ही गाडीही गोल्डन बॉइजकडे आहे. या गाडीची किंमत सुमारे ८५ लाख इतकी आहे. गोल्डन बॉइजने त्यांच्याजवळ असलेल्या मर्सिडीज बेन्झलाही सोन्याचा मुलामा दिलेला आहे. ५८ लाखांच्या गाडीतून फिरताना अनेकदा गोल्डन बॉइज दिसतात. याशिवाय त्यांच्याकडे २.८ कोटी किंमत असलेली रेंज रोव्हरही आहे. ‘गोल्डन गाइज’ सोशल मीडियावरही प्रचंड सक्रिय असल्याचं पाहायला मिळतं. सनी वाघचौरेचे इन्स्टाग्रामवर १.६ मिलियन फॉलोवर्स आहेत. तर संजय गुजरचे १ मिलियन फॉलोवर्स आहेत. आता गोल्डन गाइजमुळे बिग बॉसच्या घरातील समीकरणं कशी बदलणार, हे पाहणं मनोरंजक ठरणार आहे. (सर्व फोटो: सनी वाघचौरे, संजय गुजर/ इन्स्टाग्राम) (हेही पाहा>> Photos: “मी मराठीतील इमरान हाश्मी…” मानसी नाईकने केलेलं वक्तव्य चर्चेत)