Photos: अथिया शेट्टीच्या वाढदिवशी के.एल.राहुलने दिलेली प्रेमाची कबुली, जाणून घ्या त्यांची फिल्मी लव्हस्टोरी

भारतीय क्रिकेटर के.एल.राहुल व अथिया शेट्टी आज विवाहबंधनात अडकणार आहेत. अथिया व के.एल.राहुलच्या लग्नापूर्वीच्या कार्यक्रमांना सुरुवात झाली आहे. अथिया ही बॉलिवूडमधील प्रसिद्ध अभिनेता सुनील शेट्टीची मुलगी आहे. के.एल.राहुलने उत्तम खेळाच्या जोरावर क्रिकेट विश्वात नाव कमावलं. क्रिकेटर के.एल.राहुल व अथिया शेट्टी यांची पहिली भेट त्यांच्या एक कॉमन फ्रेंडमुळे झाली होती. एका कार्यक्रमामध्ये ते एकमेकांना भेटले होते. त्यानंतर त्यांच्यात घट्ट मैत्री झाली. राहुल आणि अथियाला अनेक पार्टी, कार्यक्रमांत एकत्र स्पॉट करण्यात आलं होतं. अनेक दिवस डेट केल्यानंतर ते काही वर्ष रिलेशनशिपमध्ये होते. त्यानंतर राहुलने अथियाच्या वाढदिवशी इन्स्टाग्राम अकाऊंटवरून खास पोस्ट शेअर करत प्रेमाची कबुली दिली होती. अनेक मुलींचा क्रश असणाऱ्या के.एल.राहुलची विकेट अथिया शेट्टीने घेतली. आता विवाहबंधनात अडकून ते त्यांच्या नव्या आयुष्याला सुरुवात करणार आहेत. के.एल.राहुल व अथिया सुनील शेट्टीच्या खंडाळ्यातील फार्म हाऊसवर लग्नगाठ बांधणार आहेत. (सर्व फोटो: लोकसत्ता ग्राफिक्स टीम)