सुप्रिया सुळेंचे आवडते दादा-वहिनी कोण? राज्यातील आवडतं ठिकाण, गाणं, प्रिय व्यक्ती अन् बरंच काही!

राष्ट्रवादी काँग्रेसच्या खासदार सुप्रिया सुळे यांनी काही रॅपिड फायर प्रश्नांची उत्तरं दिली आहेत. यात आवडत्या गाण्यापासून ते आवडतं ठिकाण, आवडता दादा, आवडत्या वहिनी याचंही त्यांनी उत्तर दिलंय. महाराष्ट्रातील आवडतं ठिकाण कोणतं? सुप्रिया सुळेंनी अजिंठा नाव घेतलं. आवडता सिनेमा विचारल्यावर सुप्रियांनी मुघल-ए-आजम सिनेमाचं नाव घेतलं. आवडतं मराठी गाणं विचारल्यावर 'कुणाच्या खांद्यावर कुणाचे ओझे' हे आवडतं गाणं असल्याचं त्या म्हणाल्या. आवडतं हिंदी गाणं विचारल्यावर 'दिल तडप तडप के केह रहा है' असं सुप्रिया म्हणाल्या. आवडते मुख्यमंत्री उद्धव ठाकरे की देवेंद्र फडणवीस? असं विचारल्यावर त्यांनी उद्धव ठाकरेंचं नाव घेतलं. आवडता दादा अजितदादा की राजेंद्र दादा? असं विचारल्यावर माझे बाकीचे चार भाऊ नाराज होतील, असं म्हणत त्यांनी उत्तर देणं टाळलं. आवडत्या वहिनी कोण? सुनेत्रावहिनी, सुनंदावहिनी, शर्मिलावहिनी असं विचारल्यावर सगळेच बॉल खेळायचे नसतात म्हणत उत्तर त्यांनी नाव निवडलं नाही. आवडते शहर दिल्ली की बारामती, यावर त्यांनी बारामती म्हटलं. आवडता भाचा रोहित पवार की पार्थ पवार? यावर आईला सगळी मुलं सारखी असतात असं त्या म्हणाल्या. राजकारणातील आदर्श शरद पवार की नरेंद्र मोदी? यावर त्या फक्त हसल्या. सर्वात प्रिय व्यक्ती कोण, शरद पवार, प्रतिभाताई पवार की सदानंद सुळे? या प्रश्नावर सुप्रिया सुळे यांनी आईचं नाव घेतलं.