देशातल्या सर्वात लहान SUV समोर सर्वांची बोलती बंद, तुफान विक्रीमुळे वेटिंग पीरियड पोहोचला ४ महिन्यांवर

भारतात गेल्या काही वर्षांपासून एसयूव्ही कार्सची मागणी वाढली आहे. Hyundai Motors ने जुलै महिन्याच्या १० तारखेला भारतात लाँच केलेल्या Subcompact SUV ला बाजारपेठेत मोठी मागणी आहे. या एसयूव्हीला पहिल्या पाच महिन्यांत ग्राहकांचा अप्रतिम प्रतिसाद मिळाला असून आतापर्यंत या कारला १ लाखाहून अधिक बुकिंग मिळाले आहेत. लाँच होण्यापूर्वीच या मायक्रो एसयूव्हीला १० हजारांपेक्षा जास्त बुकींग मिळाले होते. Hyundai च्या या कारची विक्री चांगली सुरू असून ऑक्टोबर २०२३ पर्यंत एकूण ३१ हजार १७४ युनिट्सची विक्री झाली. लाँचच्या पहिल्या महिन्यात ७ हजार युनिट्स, ऑगस्टमध्ये ७ हजार ४३० युनिट्स, सप्टेंबरमध्ये ८ हजार ६४७ युनिट्स आणि ऑक्टोबर २०२३ मध्ये ८ हजार ०९७ युनिट्सची विक्री झाली. ऑटो मार्केटमध्ये Hyundai च्या Hyundai Exter एसयूव्हीला मोठी मागणी असून Hyundai च्या लाइनअपमध्ये Exeter खूप लोकप्रिय झाले आहे. सध्या या मायक्रो एसयूव्हीसाठी सरासरी प्रतीक्षा कालावधी सुमारे ४ महिने आहे. स्मार्टफोन कनेक्टिव्हिटी आणि टचस्क्रीन इन्फोटेनमेंट सिस्टम या कारमध्ये पाहायला मिळतात. कारच्या सेफ्टी फीचर्सबद्दल बोलायचे झाल्यास, व्हीकल स्टॅबलिटी मॅनेजमेंट, ESC आणि हिल असिस्ट कंट्रोल यांसारखी इतर फीचर्स देखील आहेत. प्रत्येक व्हेरिएंटमध्ये ६ एअरबॅग्ज मिळवणारी ही कंपनीची पहिली सब-कॉम्पॅक्ट SUV आहे. या कारची किंमत ५.९९ लाख रुपयांपासून सुरू होते. यात पेट्रोल इंजिनसह सीएनजीचा पर्यायही मिळतो. (फोटो सौजन्य - financial express)