दहावीला विराट कोहलीनं नेमकं किती मार्क मिळवले? गणित विषयातील मार्क पाहून चाहते झाले अवाक्

टीम इंडियाचा स्टार क्रिकेटर विराट कोहली याने नुकतीच कसोटी क्रिकेटमधून निवृत्तीची घोषणा केली आहे. सोशल मीडियावर पोस्ट शेअर करत त्याने आपल्या १४ वर्षांच्या कसोटी कारकिर्दीला अलविदा म्हटलं आहे. आता यातच विराट कोहलीची दहावीची मार्कशीट सोशल मीडियावर व्हायरल होत आहे. विराट कोहलीची १०वी इयत्तेची मार्कशीट सध्या समोर येत आहे. विराट कोहलीला दहावीत किती टक्के मिळाले होते, पाहूयात… विराटची मार्कशीट आयएएस जितिन यादव यांनी सोशल मीडियावर शेअर केली आहे. क्रिकेटपटूच्या रिपोर्ट कार्डसोबत एक खास कॅप्शनदेखील देण्यात आले आहे, ज्यामध्ये त्याच्या संघर्षाची कहाणी दाखवण्यात आली आहे. तुम्हीही पाहा तुमचा आवडता विराट कोहली किती अभ्यासू होता? विराटने इंग्रजी, हिंदी आणि समाजशास्त्र विषयात चांगले गुण मिळवले आहेत. विराटला इंग्रजीमध्ये ८३ गुण, हिंदीमध्ये ७५ गुण, सामाजिक शास्त्रात ८१ गुण, गणितात ५१ गुण आणि आयटीमध्ये ७४ गुण मिळाले आहेत. विराट कोहलीची दहावीची मार्कशीट सोशल मीडियावर व्हायरल होताच लोकांनी कमेंट करत विराटचे कौतुक केले. "कागदावर गुण हे फक्त संख्या आहेत, खरे रत्न म्हणजे कठोर परिश्रम आणि समर्पण आहे," अशा प्रकारच्या अनेक प्रतिक्रिया नेटकऱ्यांनी दिल्या आहेत. (फोटो सौजन्य - लोकसत्ता, Virat Kohli/Facebook, indian express)