केशरी पैठणी साडी, मंगळसूत्राची सुंदर डिझाईन..; अमृता फडणवीस यांच्या महापूजेनिमित्त केलेल्या लूकची चर्चा

Ashadhi Ekadashi 2025: आज (६ जुलै) आषाढी एकादशीनिमित्त पंढरपूरमध्ये श्री विठ्ठल-रुक्मिणीच्या मंदिरात महाराष्ट्राचे मुख्यमंत्री देवेंद्र फडणवीस (Devendra Fadnavis) आणि त्यांच्या पत्नी अमृता फडणवीस (Amruta Fadnavis) यांनी महापूजा केली. पंढरपूर वारीमध्ये यंदा सुमारे १५ लाखांपेक्षा जास्त भाविकांनी सहभाग घेतला. 'विठ्ठल रुक्मिणी | तुम्ही अखंड आणा ध्यानी || मग सुखा काय उणे | झाले सोईरे त्रिभुवने || देवशयनी आषाढी एकादशीनिमित्त सहकुटुंब श्री विठ्ठल-रुक्मिणीचे मनोभावे दर्शन व पूजन..! काही सुंदर क्षण…' असे कॅप्शन देत अमृता यांनी इन्स्टाग्रामवर काही फोटो शेअर केले आहेत. आषाढी एकादशीच्या महापूजेसाठी अमृता यांनी केशरी रंगाची पैठणी साडी (Orange Paithani Saree) होती. पैठणी साडीतील लूकवर अमृता यांनी सुंदर मेकअप करत केसांची वेणी बांधून हेअरस्टाईल केली होती. सध्या सोशल मीडियावर अमृता यांच्या मंगळसूत्राच्या डिझाईनची चर्चा सुरू आहे. अमृता यांच्या मंगळसूत्रात सोन्याबरोबर काळे मणी व दोन डवल्या आहेत. मंगळसूत्राची डिझाईन पारंपरिक व आकर्षक आहे. अमृता या गायिका, बँकर व समाजसेवक या रूपाने ओळखल्या जातात. (सर्व फोटो सौजन्य : अमृता फडणवीस/इन्स्टाग्राम) (हेही पाहा : गुलाबी नऊवारी साडी, मराठमोळे दागिने..; रेश्मा शिंदेचा आषाढी एकादशीनिमित्त खास लूक)