Chinchpoklicha Chintamani 2025: चिंचपोकळीचा चिंतामणीच्या आगमन सोहळ्यासाठी ‘असे’ केले आहे नियोजन

मुंबईतील प्रसिद्ध व ऐतिहासिक गणपतींपैकी चिंचपोकळीचा चिंतामणी (Chinchpoklicha Chintamani) गणपती हा एक मानाचा गणपती मानला जातो. १९२० साली या (Chinchpokli Sarvjanik Utsav Mandal, Mumbai) गणेशोत्सव मंडळाची स्थापना झाली. चिंचपोकळी सार्वजनिक उत्सव मंडळाचं यंदाचे हे १०६ वे वर्ष (Celebrating 106th Year Of Ganeshotsav Ganesh Festival) आहे. उद्या, रविवारी १७ ऑगस्ट रोजी चिंचपोकळीच्या चिंतामणी गणपती बाप्पाचा आगमन सोहळा पार पडणार आहे. चिंचपोकळीचा चिंतामणी हा गणपती बाप्पा आगमनाधीश म्हणून ओळखला जातो. यंदा मूर्तिकार सिद्धेश दिघोळे (कलागंध आर्ट्स, परळ) चिंचपोकळीचा चिंतामणी साकारणार आहेत. चिंचपोकळीचा चिंतामणीचा आगमन सोहळा पाहण्यासाठी दरवर्षी लाखोंची गर्दी असते. यावेळी मंडळाने सांगितले... चिंचपोकळीच्या चिंतामणीचं आगमन सुरू झाल्यानंतर त्याच्या मागे रुग्णवाहिका असणार त्याच्यानंतर लाईव्ह व्हिडीओची व्यवस्था असणार आहे. गर्दीवर नियंत्रण ठेवण्यासाठी ११ टॉवर बसवले आहेत. जे पोलीस त्या ठिकाणी असतील त्याच्याबरोबर चिंचपोकळीचा चिंतामणी मंडळाचे काही कार्यकर्ते असणार आहेत. पाच मेडिकल कॅम्पमध्ये दोन डॉक्टर चार नर्से असणार आहेत. यामुळे गर्दीत काही त्रास झाला तर लगेच उपचार मिळू शकतील. या भव्य आगमन सोहळ्यात ७-८ अम्बुलन्स असणार आहेत. चिंचपोकळीचा चिंतामणी मंडळाचे ६०० कार्यकर्ते असणार आहेत त्यांच्याबरोबर ७०० ते ८०० पोलीसदेखील असणार आहेत. आपण सर्वांनी मंडळाचे कार्यकर्ते आणि पोलीस बांधवाना सहकार्य करावे ही विनंती केली आहे. (सर्व फोटो सौजन्य : चिंचपोकळीचा चिंतामणी अधिकृत इन्स्टाग्राम पेज) (हेही पाहा : स्वातंत्र्य दिनाच्या दिवशी मुंबईत पार पडला गणपती बाप्पाचा आगमन सोहळा)