Photos: दीपोत्सव मनसेचा, पण चर्चा ठाकरेंच्या सुनांची; रश्मी व शर्मिला ठाकरेंचा दिवाळी लूक पाहिलात का?

MNS Deepotsav 2025 Shivaji Park, Dadar: दरवर्षीप्रमाणे यंदाही मनसेने शिवाजी पार्क परिसरात दीपोत्सवाचे आयोजन केले आहे. काल (१७ ऑक्टोबर) शिवसेना पक्षप्रमुख उद्धव ठाकरे (Uddhav Thackeray) यांच्या हस्ते या दीपोत्सवाचे उद्घाटन करण्यात आले. या उद्घाटन सोहळ्याला उद्धव ठाकरे सहपरिवार उपस्थित होते. उद्धव ठाकरे यांच्या पत्नी रश्मी ठाकरे (Rashmi Thackeray) यांनी दीपोत्सवासाठी जांभळ्या रंगाची सुंदर साडी नेसली होती. मनसे अध्यक्ष राज ठाकरे (Raj Thackeray) यांच्या पत्नी शर्मिला ठाकरे (Sharmila Thackeray) यांनी दीपोत्सवासाठी पांढऱ्या रंगाची सुंदर ड्रेस परिधान केला होता. महाराष्ट्र नवनिर्माण सेना पक्षाचे युवा नेते अमित ठाकरे (Amit Thackeray) यांची पत्नी मिताली ठाकरेने (Mitali Thackeray) दीपोत्सवासाठी निळ्या रंगाचा ड्रेस परिधान केला होता. दरवर्षीप्रमाणे यंदाही महाराष्ट्र नवनिर्माण सेनेने दादरच्या शिवाजी महाराज पार्कमध्ये १७ ते २६ ऑक्टोबर या कालावधीत दीपोत्सवाचे आयोजन केले आहे. मनसेच्या दीपोत्सवाचे हे १३ वे वर्ष असल्याची माहिती मनसेचे उपशहर अध्यक्ष यशवंत किल्लेदार यांनी दिली. मुंबई महापालिकेच्या निवडणुकीसाठी दोन्ही ठाकरे बंधू एकत्र येणार असल्याची चर्चा सुरू आहे. यंदाचा दीपोत्सव ठाकरे बंधूंच्या कार्यकर्त्यांसाठी उत्साहाचा असणार आहे. राज ठाकरे व उद्धव ठाकरे यांनी सर्वांना दीपावलीच्या शुभेच्छा दिल्या आहेत. (सर्व फोटो सौजन्य : मनसे अधिकृत पेज/इन्स्टाग्राम) (हेही पाहा : सायली संजीवचा वसुबारसनिमित्त पिवळ्या अनारकली ड्रेसमधील सुंदर लूक)