पुणे : मोटारी विक्री दालनात चोरी करणाऱ्या चोरट्यांच्या टोळीला गुन्हे शाखेने अटक केली. चोरट्यांनी महाराष्ट्रासह कर्नाटक, गोव्यात २१ गुन्हे केल्याचे तपासात उघडकीस आले आहे.

सावन दवल माेहिते (वय १९), साेनू नागुलाल माेहिते (वय २२), अभिषेक देवराम माेहिते (वय २०), जितू मंगलसिंग बेलदार (वय २३, चाैघे रा. बाेधवड, जि. जळगाव), बादल हिरालाल जाधव (वय १९, रा. मुक्ताईनगर, जळगाव), पिंटू देवराम चाैहान (वय १९, रा. इंदूर मध्यप्रदेश) अशी अटक चोरट्यांची नावे आहेत. बिबवेवाडी भागात मध्यरात्री २८ जुलै राेजी देवकी माेटर्स शाेरूम फाेडून चाेरट्यांनी ४ लाख ९६ हजारांची रोकड चाेरली हाेती. तसेच कात्रज भागातील दोन मोटार विक्री दालनातून रोकड चोरीचे दोन गुन्हे घडले हाेते. त्या अनुषंगाने गुन्हे शाखेच्या युनिट पाचकडून तपास करण्यात येत होता.

हेही वाचा >>>“कांदा नाही खाल्ला तर कोणी मेले आहे का? बच्चू कडूंचे वादग्रस्त विधान, कांद्याला दिला ‘हा’ पर्याय

पसार झालेल्या चोरट्यांचा माग काढण्यासाठी वेगवेगळ्या भागातील सीसीटीव्ही कॅमेऱ्यांनी केलेले चित्रीकरण पोलिसांच्या पथकाकडून तपासासाठी ताब्यात घेण्यात आले. चोरटे ज्या वाहनातून पसार झाले होते, ते वाहन जळगावमधील असल्याचे तपासात उघडकस आल्यानंतर पोलिसांचे पथक जळगावला रवाना झाले. आरोपी उत्तर भारतात फिरायला गेल्याची माहिती मिळाल्यानंतर पोलिसांचे पथक दिल्ली, मथुरा, हरिद्वार येथे पोहोचले. त्यानंतर चोरटे रेल्वेने मुंबईला गेल्याची माहिती मिळाल्याने पोलिसांच्या पथकाने मुंबईतील वांद्रे भागात सापळा लावून सहा जणांना पकडले.

हेही वाचा >>>पुणेकरांचे २१०० कोटी ‘खड्ड्यात’, रस्ते दुरुस्तीची मलमपट्टी; खड्ड्यांचे शुक्लकाष्ट कायम

पोलीस उपायुक्त अमोल झेंडे यांच्या मार्गदर्शनाखाली पाेलीस निरीक्षक उल्हास कदम, सहायक निरीक्षक कृष्णा बाबर, उपनिरीक्षक अविनाश लाहाेटे, चेतन चव्हाण, राजस शेख, पृथ्वीराज पांडुळे, राहुल ढमढेरे, विलास खंदारे, दाउद सय्यद, अमित कांबळे, रमेश साबळे, दया शेगर, प्रताप गायकवाड, प्रमाेद टिळेकर, अश्रुबा माेराळे, अकबर शेख यांनी ही कामगिरी केली.

हेही वाचा >>>ऑनलाईन रमी खेळण्यासाठी पुण्यातील एका नोकराने मालकाच्या घरातून तब्बल ३८ लांखाची केली चोरी

चोरट्यांची गोव्यात माैजमजा

चोरट्यांनी २१ जुलै राेजी पुण्यातील मोटार विक्री दालनात चाेरी केली होती. मोटारीतून चोरटे मुंबई-बंगळुरू महामार्गाने गाेव्याला निघाले. वाटेत कर्नाटकातील शिमाेगा जिल्ह्यात मोटार विक्री दालन फोडून चाेरी केली. चाेरीच्या पैशांवर चोरट्यांनी गाेव्यात माैजमजा केली. गोव्यातून परतताना वेरना पाेलीस ठाण्याच्या परिसरातील दोन मोटार विक्री दालने मध्यरात्री फोडून रोकड चोरल्याचे तपासात उघडकीस आले.