एका गुन्हयात दोषारोपत्रामध्ये मदत करण्यासाठी आणि गुन्हयातील आरोपींना अटक न करण्यासाठी कोंढवा पोलीस स्टेशनच्या सहाय्यक महिला पोलीस निरीक्षकासह शिपायावर ५० हजार रुपयांची लाच मागितल्याप्रकरणी लाचलुचपत प्रतिबंधक विभागाने गुन्हा दाखल केला आहे.सहाय्यक महिला पोलीस निरीक्षक हर्षदा बाळासाहेब दगडे आणि पोलीस शिपाई अभिजित विठठल पालके अशी गुन्हा दाखल केलेल्यांची नावे आहेत.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

हेही वाचा : विश्लेषण: पुण्यात अचानक इतका पाऊस का पडला? तब्बल ३३९ टक्के अतिरिक्त पाऊस पडण्यामागे कारण काय?

याबाबत एका तरुणाने लाचलुचपत प्रतिबंधक विभागाकडे तक्रार केली होती. तक्रारदार व त्यांच्या कुटुंबीयांवर दाखल असलेल्या गुन्ह्याच्या दोषारोपोत्रात मदत करण्यासाठी; तसेच आई, वडील बहिणीला अटक न करण्यासाठी दोघांनी लाचेची मागणी केली. तडजोडीनंतर अभिजित पालके याने ५० हजार रुपयांची लाच मागितली. त्याला हर्षदा दगडे यांनी सहाय्य केले म्हणून दोघांवर कोंढवा पोलीस स्टेशनमध्ये गुन्हा दाखल करण्यात आला आहे. लाचलुचपत प्रतिबंधक विभागाचे पोलीस निरीक्षक प्रवीण निंबाळकर तपास करीत आहेत.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Case registered against police inspector and two connection for bribe kondhwa pune print news tmb 01