आता तर हद्दच झाली! डिलिव्हरी बॉयने लिफ्टमध्ये केला किळसवाणा प्रकार, VIDEO पाहून राग होईल अनावर

आजकाल कोण काय करेल याचा काही नेम नाही. सध्या डिलिव्हरी बॉयचा असाच एक व्हिडीओ सोशल मीडियावर तुफान व्हायरल होतोय, जो पाहून तुमचाही राग अनावर होईल. या व्हिडीओमध्ये एका डिलिव्हरी बॉयने एका बिल्डिंगमधील लिफ्टमध्ये चक्क लघवी केली आहे. नेमकं काय घडलंय, ते जाणून घेऊ या…

डिलिव्हरी बॉयचा व्हायरल व्हिडीओ

सोशल मीडियावर व्हायरल झालेला हा व्हिडीओ पाहून तुम्हाला धक्काच बसेल. या व्हिडीओमध्ये आपण पाहू शकतो की, एक डिलिव्हरी बॉय पार्सल पोहोचवण्यासाठी एका बिल्डींगच्या लिफ्टमधून इच्छित स्थळी जात असतो. त्याच्याबरोबर दुसरा डिलिव्हरी बॉयदेखील असतो. दोघं गप्पा मारत मारत बिल्डिंगमधील एका मजल्यावर उतरतात आणि पार्सल दरवाजाजवळ ठेवतात. पार्सल ठेवल्यानंतर पहिला डिलिव्हरी बॉय पायानेच लिफ्ट थांबवतो आणि लिफ्टमध्ये जाताच तो पॅंटची चेन उघडतो आणि तिथेच लघवी करू लागतो. लघवी केल्यानंतर तो लिफ्ट थांबवतो आणि तिच लघवी पायाने साफ करत तो लिफ्टबाहेर पडतो आणि तिथून निघून जातो.

सोशल मीडियावर व्हायरल झालेला व्हिडीओ या @sheetrandum या इन्स्टाग्राम अकाउंटवरून शेअर करण्यात आला असून या व्हिडीओला “आपण लोकांना शिक्षित करण्यात अपयशी ठरलो का, की आपण माणसांच्या रुपात प्राण्यांचे संगोपन करत आहोत. हे कालच घडले, अशा लोकांपासून सुरक्षित राहा.” अशी कॅप्शन देण्यात आली आहे. तसंच व्हिडीओ व्हायरल होताच याला ३ लाखांच्यावर व्ह्युज आले आहेत. यादरम्यान, ही घटना नेमकी कुठे घडली हे अद्याप कळू शकलं नाही.

युजर्सच्या संतप्त प्रतिक्रिया

डिलिव्हरी बॉयचा हा व्हिडीओ व्हायरल होताच अनेकांनी यावर संताप व्यक्त करत आपल्या प्रतिक्रिया दिल्या आहेत. एका युजरने कमेंट करत लिहिलं, “त्याच्याविरोधात तक्रार करा” तर दुसऱ्याने कमेंट करत लिहिलं, “त्याला कसला तरी आजार असेल असं मला वाटतं” तर तिसऱ्याने “अशा माणसांवर लगेच कारवाई करायला हवी” अशी कमेंट केली. तर एकजण कमेंट करत म्हणाला, “याने तर हद्दच पार केली”