‘जेव्हा मृत्यू आपल्यासमोर असतो..’ वाघाने हत्तीवर बसलेल्या व्यक्तीवर केला हल्ला; पुढे असं काही घडलं… VIDEO पाहून उडेल थरकाप

माणसांप्रमाणेच प्राणीदेखील आपली भूक भागविण्यासाठी काही ना काहीतरी करत असतात. अनेकदा जंगलातील वाघ, सिंह, बिबट्या यांसारखे प्राणीदेखील भूक भागविण्यासाठी एखाद्या प्राण्याची शिकार करतात; तर अनेकदा ते जंगल सोडून मानवी वस्तीतही शिरकाव करतात. खेड्यात असे प्रकार मोठ्या प्रमाणात पाहायला मिळतात. दरम्यान, आता एका जंगलातील व्हिडीओ खूप व्हायरल होतोय, ज्यात जंगल सफारीसाठी हत्तीवर बसून गेलेल्या व्यक्तींवर वाघ हल्ला करण्याचा प्रयत्न करताना दिसत आहे.

या व्हायरल व्हिडीओमध्ये तुम्ही पाहू शकता की, एका जंगलामध्ये काही लोक हत्तीवर बसून जंगल सफारी करीत आहेत. यावेळी अचानक झुडपांमधून वाघ बाहेर येतो आणि हत्तीवर बसलेल्या व्यक्तीवर हल्ला करतो. या हल्ल्यात त्या व्यक्तीच्या हाताला गंभीर दुखापत होते. सध्या हा थरारक व्हिडीओ सोशल मीडियावर खूप व्हायरल होत आहे.

हेही वाचा: हत्तीला लागली पाणीपुरीची चटक; एका मागे एक खातच राहिला… VIDEO पाहून नेटकरीही झाले अवाक्

पाहा व्हिडीओ:

हा व्हिडीओ इन्स्टाग्रामवरील @jungle.safari.india या अकाउंटवर शेअर करण्यात आला आहे. त्यावर आतापर्यंत १३ दशलक्षांहून अधिक व्ह्युज आणि दोन लाखांहून अधिक लाइक्सही मिळाल्या आहेत. तसेच या व्हिडीओवर अनेक युजर्सही कमेंट्स करताना दिसत आहेत.

एका युजरने लिहिलेय, “बापरे! किती भयानक दृश्य आहे.” दुसऱ्या युजरने लिहिलेय, “कॅमेरामॅन अजिबात घाबरला नाही.” तर तिसऱ्या युजरने लिहिलेय, “काळजात धस्स झालं पाहून.” आणखी एका युजर्सने लिहिलेय, “एखादा घाबरूनच मरून जाईल.”