ढिगाऱ्याखाली अडकली चिमुकली, मदतीची करतेय याचना; हृदय पिळवटून टाकणाऱ्या VIRAL VIDEO मुळे उडाली खळबळ, पण सत्य काय? वाचा

नेमकं काय होत आहे व्हायरल?

एक्स (ट्विटर) युजर नदीम अहमदने त्याच्या @IamNadeem_A या प्रोफाईलवरून व्हिडीओ शेअर केला आहे आणि कॅप्शनमध्ये लिहिलं की, ‘ढिगाऱ्याखाली अडकलेली पॅलेस्टिनीची चिमुकली मदतीची वाट पाहत आहे; किती हृदय पिळवटून टाकणारे दृश्य आहे, पण आंतरराष्ट्रीय समुदाय यावर गप्प आहे’.

इतर युजर्सदेखील असाच दावा करत व्हिडीओ शेअर करत आहेत.

हेही वाचा…VIRAL VIDEO : लाइव्ह कॉन्सर्टमध्ये हातात हात धरून नाचणारे आजी-आजोबा, रोमँटिक डान्स पाहून तुम्हीही पडाल प्रेमात

तपास :

आम्ही InVid टूलमध्ये व्हिडीओ अपलोड करून तपास सुरू केला. त्यानंतर आम्ही टूलमधून मिळालेल्या स्क्रीनशॉटवरून शोध सुरू केला. रिव्हर्स इमेज सर्च केल्यानंतर आम्हाला अरबीमध्ये एक लेख सापडला, ज्यामध्ये मुलीचा स्क्रीनशॉट होता.

https://www.egy-press.com/38685

दोन दिवसांपूर्वी अपलोड केलेल्या लेखात म्हटले आहे की, व्हिडीओमध्ये दिसणारी मुलगी सीरियाची आहे, गाझा पट्टीतील नाही. तसेच ती खेळत असताना हा व्हिडीओ शूट करण्यात आला आहे.

अहवालात म्हटले आहे की, चिमुकलीच्या वडिलांनी सीरियातील त्यांच्या घरी स्वच्छ कपड्यांमध्ये खेळताना आणि मजा करताना लहान मुलीचे फोटो, व्हिडीओदेखील पोस्ट केले आहेत. या व्हिडीओला १,७२,००० लाइक्स आणि २८,००० शेअर्स मिळाले आहेत. या अकाउंटला १५ हजार लोक फॉलो करतात.

आम्हाला ही बातमी अरबी भाषेतील दुसऱ्या पोर्टलवरदेखील आढळली.

https://www.shorouknews.com/news/view.aspx?cdate=27102024&id=a4e98576-bd8d-4d6f-a92d-f9b8c7c24f27

आम्हाला शोरूक न्यूजच्या अधिकृत हँडलवर एक फेसबुक पोस्टदेखील सापडली.

https://www.facebook.com/story.php?story_fbid=964980745672286&id=100064811078061&_rdr

वडिलांनी सोशल मीडिया युजर्सना तिचा व्हिडीओ शेअर करू नका, असे आवाहनही केले आहे.

निष्कर्ष :

ढिगाऱ्याखाली अडकलेली चिमुकली गाझा पट्टीतील असल्याचा दावा केला जात आहे, पण ती प्रत्यक्षात सीरियाची आहे. मुलगी खेळत असताना तिच्या वडिलांनी हा व्हिडीओ शूट केला आहे. चिमुकली घरी सुरक्षित आहे आणि व्हायरल दावे दिशाभूल करणारे आहेत.