Assembly Election Results 2022 : निकालांवर राहुल गांधींची पहिली प्रतिक्रिया; म्हणाले, “लोकांचा निर्णय…”

गोव्यातील सर्व ४० जागांसाठी अधिकृत कल समोर आले आहेत. त्यानुसार, भाजपा १८, काँग्रेस १२ जागांवर आघाडीवर आहे. तर, मुख्यमंत्री प्रमोद सावंत सांकेलीममध्ये ३०० मतांनी आघाडीवर आहेत.

मणिपूरमध्ये भाजपा १२ जागांवर आघाडीवर, काँग्रेस ५, जदयू ४ जागांवर आघाडीवर आहेत. मुख्यमंत्री एन बिरेन सिंग हेनगांग या त्यांच्या मतदारसंघात आघाडीवर आहेत.

सुरुवातीच्या ट्रेंडनुसार, गोव्यात सध्या भाजपा १७ जागांवर आघाडीवर आहे, तर काँग्रेस १३ , महाराष्ट्रवादी गोमंतक-५, आम आदमी पार्टी एका जागेवर आघाडीवर आहे.

पंजाबमध्ये सकारात्मक ट्रेंड आहेत, निकाल देखील सकारात्मक येतील अशी आशा आहे. परिवर्तनासाठी मतदान केल्याबद्दल मी पंजाबच्या जनतेचे आभार मानतो, असं दिल्लीचे मंत्री आणि आप नेते गोपाल राय यांनी म्हटलंय.

दोन वाजेपर्यंत निकालांचं पुर्ण चित्र स्पष्ट होईल. छोट्या राज्यांचे निकाल दुपारपर्यंत स्पष्ट होतील. गोवा आणि पंजाबमधील निकालाबद्दल आत्ता सांगणे योग्य ठरणार नाही. तर, उत्तर प्रदेशमध्ये अखिलेश यादव भाजपाला चांगली टक्कर देत आहेत, असं संजय राऊत म्हणाले.

मणिपूरमध्ये भाजपा ६ जागांवर आघाडीवर असून JD(U) २, तर कॉंग्रेस १ जाागेवर आघाडीवर आहेत.

पंजाबमध्ये सुरुवातीच्या कलांमध्ये आम आदमी पार्टीने बहुमताचा आकडा पार केल्यामुळे आपचे मुख्यमंत्री उमेदवार भगवंत मान यांच्या संगरूर येथील निवासस्थानी कार्यकर्ते जल्लोष करत आहेत.

खतिमा आणि लालकुआ मतदारसंघातून भाजपाचे पुष्कर सिंग धामी आणि काँग्रेसचे हरीश रावत पिछाडीवर आहेत.

काँग्रेस आता १५ जागांवर आघाडीवर आहे, तर भाजप १३ जागांवर आघाडीवर आहे. मुख्यमंत्री प्रमोद सावंत त्यांच्या मतदारसंघात, सांकेलीममध्ये पिछाडीवर आहेत.

आपण सर्वसामान्य नागरिक (आम आदमी) आहोत, पण जेव्हा 'आम आदमी' जागा होतो ना, तेव्हा सिंहासन हादरते. आजचा दिवस भारताच्या इतिहासातील एक महत्त्वाचा दिवस आहे, आम आदमी पार्टी आणखी एक राज्य जिंकत आहे असून ती राष्ट्रीय शक्ती बनली आहे, असं आपचे पंजाब सह-प्रभारी राघव चढ्ढा म्हणाले.

पंजाबमध्ये नवज्योत सिंग सिद्धू आणि कॅप्टन अमरिंदर सिंग पिछाडीवर असल्याचं वृत्त आहे.

गोव्याच्या सांकेलीममधून मुख्यमंत्री आणि भाजपाचे उमेदवार प्रमोद सावंत ४००मतांनी पिछाडीवर असून इथे काँग्रेस उमेदवार आघाडीवर आहे.

“मी देवाला प्रार्थना केली आहे की, येणारी पाच वर्षे गेल्या ५ वर्षांसारखीचं शांतता आणि विकासाची असतील. भाजपा पूर्ण बहुमताने सरकार स्थापन करेल,” असा विश्वास मणिपूरचे मुख्यमंत्री एन बिरेन सिंह यांनी व्यक्त केला.

“पंजाबमध्ये काँग्रेस हरली तर पक्षात स्फोट होतील. काँग्रेसची अवस्था दिवसेंदिवस बिकट होत असून २०२४ लोकसभा निवडणुकीचा विचार केला तर काँग्रेसची ही अवस्था आणि समोर दुसऱ्या समर्थ आघाडीचा अभाव ही भाजपासाठी अत्यंत सुयोग्य स्थिती असेल,” असं योगेंद्र यादव म्हणाले.

निवडणूक आयोगाने दिलेल्या माहितीनुसार मणिपूरमध्ये भारतीय जनता पार्टी दोन जागांवर आघाडीवर आहे.

निवडणूक आयोगानुसार पणजी, अल्दोना आणि इतर २ विधानसभा मतदारसंघात भाजपा आघाडीवर आहे. तर दाबोलीम आणि अन्य एका जागेवर काँग्रेस आघाडीवर आहे.

अमृतसर पूर्वमधून काँग्रेस नेते नवज्योत सिंग सिद्धू पिछाडीवर आहेत.

निवडणूक आयोगाच्या आकडेवारीनुसार, मणिपूरच्या हिरोक विधानसभा मतदारसंघात भारतीय जनता पक्ष आघाडीवर आहे.

पाचही राज्यांमध्ये काँग्रेस हरली तर आम्हाला आत्मपरीक्षण करावं लागेल, पक्षाची पुनर्रचना सर्व स्तरांवर करावी लागेल, असंही काँग्रेस नेते अभिषेक मनु सिंघवी म्हणाले.

“उत्तराखंड व गोव्यामध्ये आम्ही चांगली कामगिरी करू, तर उत्तराखंडमध्ये आम्ही सरकार स्थापन करू. गोव्यात त्रिशंकू स्थिती असू शकते,” असं एनडीटीव्हीशी बोलताना काँग्रेस नेते अभिषेक मनू सिंघवी म्हणाले.

पणजीमधून अपक्ष उमेदवार म्हणून निवडणूक लढवणारे उत्पल पर्रिकर सध्या पिछाडीवर असून भाजपा उमेदवार बाबूश मॉन्सेरात आघाडीवर आहेत.

पंजाबचे मुख्यमंत्री चरणजित सिंग चन्नी यांनी आपल्या कुटुंबासह चमकौर साहिब गुरुद्वारामध्ये प्रार्थना केली.

निवडणूक आयोगानुसार, सुरुवातीच्या कलांमध्ये शिरोमणी अकाली दल पंजाबमधील मुकेरियन विधानसभा मतदारसंघात आघाडीवर आहे.

विधानसभा निवडणुकीच्या निकालाच्या दिवशी मणिपूरचे मुख्यमंत्री एन बिरेन सिंग यांनी इंफाळमधील श्री गोविंदाजी मंदिरात प्रार्थना केली.

आतापर्यंतच्या कलांनुसार मणिपूरमध्ये ४ जागांवर काँग्रेस आघाडीवर असल्याचं पाहायला मिळतंय.

पंजाबमध्ये आतापर्यंतच्या कलांनुसार ३४ जागांवर आम आदमी पक्ष आघाडीवर आहे.

गोव्याचे मुख्यमंत्री प्रमोद सावंत यांनी श्री दत्त मंदिरात प्रार्थना केली. गोवा विधानसभा निवडणुकीच्या निकालांची मतमोजणी सुरू झाली आहे.

पंजाबमध्ये आप आघाडीवर १५ जागांवर आघाडीवर आहे, तर काँग्रेस दुसऱ्या क्रमांकावर आहे.

गोव्यात पहिला कल हाती आला असून हा कल भाजपाच्या बाजूने आहे.

पंजाबमधील गुरुदासपूर येथील मतमोजणी केंद्रात पोस्टल मतपत्रिकांची मोजणी सुरू आहे.