परदेशात आपल्या कुटुंबासह रमलेली प्रियांका चोप्रा काही दिवसांपूर्वी मुंबईमध्ये आली. मुंबईमध्ये आल्यानंतर आपल्या मातीत पुन्हा आल्याचा आनंद प्रियांकाला झाला. मुंबईदरम्यानचे तिचे अनेक फोटो, व्हिडीओही सोशल मीडियावर व्हायरल झाले. आता प्रियांका पुन्हा मुंबई सोडून परदेशात परतण्याच्या तयारीमध्ये आहे. पण आपल्या मातीमधून पुन्हा दुसऱ्या देशामध्ये जायचं म्हटल्यावर ती भावूक झाली. प्रियांकाने एक पोस्ट शेअर करत मुंबईवर आपलं किती प्रेम आहे हे व्यक्त केलं.
आणखी वाचा – आलिया भट्ट व रणबीर कपूर झाले आई-बाबा अन् चर्चेत आला करण जोहर, मीम्स पाहून तुम्हालाही हसू होईल अनावर
प्रियांकाने तिच्या इन्स्टाग्राम अकाऊंटद्वारे एक व्हिडीओ शेअर केला आहे. हा व्हिडीओ शेअर करत तिने म्हटलं की, “मुंबईची सफर आता पूर्ण झाली आहे. आपल्या घराची गोष्टच काही निराळी असते. घरी पुन्हा परतण्यासारखं दुसरं सुख नाही. गेल्या काही दिवसांमध्ये मला जो पाठिंबा, प्रेम मिळालं ते पाहून मी भारावून गेले. अगदी प्रामाणिकपणे सांगते की माझ्या टीमबरोबर तुम्ही नसता तर काहीच शक्य झालं नसतं.”
प्रियांकाने शेअर केलेल्या व्हिडीओमध्ये ती बाबुलनाथ, चर्चगेट पाहून खूप छान वाटलं असं बोलताना दिसत आहेत. इतकंच नव्हे तर हा संपूर्ण प्रवास आठवणीत राहावा म्हणून तिने सेल्फी व व्हिडीओही काढले आहेत. आता प्रियांका तिच्या कामासाठी दिल्लीला रवाना झाली आहे.
आणखी वाचा – “तुझी नेहमीच आठवण येईल” शरद केळकरच्या ‘त्या’ पोस्टनंतर सेलिब्रिटींनीही वाहिली श्रद्धांजली, नेमकं काय घडलं?
एका ब्रँड प्रमोशच्या चित्रीकरणासाठी प्रियांका भारतात आली आहे. सध्या ती दोन हॉलिवूड चित्रपटांवर काम करत आहे. ‘सिटाडेल’ व ‘इट्स ऑल कमिंग बॅक टू मी’ या चित्रपटांमध्ये ती काम करताना दिसेल. तसेच फरहान अख्तरच्या ‘जी ले जरा’ चित्रपटामध्येही प्रियांका काम करणार आहे.