बॉलिवूडचा किंग खान अर्थात हा नेहमीच काही ना काही कारणांमुळे चर्चेत असतो. नुकताच त्याचा वाढदिवस होऊन गेला. दरवर्षीप्रमाणे यंदाही त्याच्या वाढदिवसाला चाहते त्याला शुभेच्छा देण्यासाठी आले होते. सध्या तो त्याच्या आगामी पठाण या चित्रपटामुळे चर्चेत आहे. वाढदिवसाच्या दिवशी ‘पठाण’ चित्रपटाचा टिझर प्रदर्शित झाला. या चित्रपटातील त्याचा लुक्सची चर्चा होत आहे. आता हाच अभिनेता सलमान खानच्या आगामी चित्रपटात दिसणार आहे.
पिंकव्हीलच्या माहितीनुसार ‘पठाण’चे चित्रीकरण संपल्यानंतर शाहरुख खान ‘टायगर ३’ चित्रपटाच्या चित्रीकरणात सामील होईल. सलमान सध्या बिग बॉस १६ पर्वाचे सूत्रसंचालन करताना दिसत आहे. त्याचा ‘किसी का भाई किसी का जान’ हा चित्रपटदेखील लवकरच प्रदर्शित होणार आहे. ज्या पदतीने शाहरुख खान टायगर चित्रपटात दिसणार आहे त्या पद्धतीने सलमानदेखील ‘पठाण’ चित्रपटात दिसणार आहे. खुद्द शाहरुख खानने याचा खुलासा केला आहे.
“३० दिवसात चित्रपट करणारे अभिनेते…”; बोनी कपूर यांचा अक्षय कुमारवर निशाणा
यापूर्वी शाहरुख खानच्या ‘झिरो’ चित्रपटात सलमानने पाहुण्या कलाकाराची भूमिका साकारली होती तर शाहरुख खानने ‘ब्रह्मास्त्र’ चित्रपटात छोटी भूमिका साकारली होती. सलमान खान आणि शाहरुख खान यांच्यात मधल्या काही वर्षात वादांमुळे दुरावा आला होता. काही वर्षं दोघंही एकमेकांशी बोलत नव्हते. मात्र आता त्यांच्यातील वाद संपले आहेत. ते दोघेही अनेकदा एकत्र कार्यक्रमांमध्ये हजेरी लावताना दिसतात.
शाहरुख खान पठाणच्या बरोबरीने ‘जवान’ ‘डंकी’ या चित्रपटात दिसणार आहे. विशेष म्हणजे ‘डंकी’ या चित्रपटातून तो पहिल्यांदा दिग्दर्शक राजू हिरानी यांच्याबरोबर काम करताना दिसून येणार आहे.