Jacqueline Fernandez Parth Pawar Lalbaugcha Raja Video Viral : देशभरात गणेशोत्सवाचा उत्साह पाहायला मिळतोय. गणेश चतुर्थीच्या दिवशी अनेक सेलिब्रिटींनी विविध ठिकाणी जाऊन गणरायाचे दर्शन घेतले. लालबागचा राजाच्या दर्शनासाठी अभिनेत्री जॅकलिन फर्नांडिस पोहोचली होती. जॅकलिनचा पार्थ पवारांबरोबरचा एक व्हिडीओ व्हायरल होत आहे.
गणेशोत्सवात लालबागचा राजाच्या दर्शनासाठी मोठी गर्दी असते. सर्वसामान्यांसह सेलिब्रिटीही बाप्पाच्या दर्शनासाठी येत असतात. गणेश चतुर्थीच्या दिवशी जॅकलिन फर्नांडिस, अवनीत कौर व निर्माता राघव शर्मा यांनी लालबागचा राजाचे दर्शन घेतले. यावेळी तिथे उपमुख्यमंत्री अजित पवार यांचे चिरंजीव पार्थ पवारदेखील होते.
जॅकलिनने लालबागचा राजाचे चरणस्पर्श केले. तिथे आरती सुरू होती. तेव्हा पार्थ पवार यांनी आपल्या खिशातून काही नोटा काढल्या आणि जॅकलिनला दिल्या. पार्थ पवार यांनी आपल्या हातातील नोटा दानपेटीत टाकल्यानंतर जॅकलिनने पार्थ यांच्याकडून घेतलेल्या नोटा दानपेटीमध्ये टाकल्या. त्यानंतर जॅकलिन व पार्थ पवार बाप्पाचे चरण स्पर्श करून निघून गेले.
पार्थ पवार यांनी जॅकलिनला खिशातून नोटा काढून दिल्या तो व्हिडीओ सध्या मोठ्या प्रमाणात व्हायरल होत आहे. व्हिडीओत पार्थ जॅकलिनला नोटा काढून देताना दिसतात. पार्थ व जॅकलिन यांच्या या व्हिडीओची सध्या सोशल मीडियावर जोरदार चर्चा पाहायला मिळत आहे.
पाहा व्हिडीओ-
दरम्यान, जॅकलिन फर्नांडिसच्या कामाबद्दल बोलायचं झाल्यास ती काही महिन्यांपूर्वी आलेल्या ‘हाऊसफुल 5’ सिनेमात दिसली होती. यामध्ये अक्षय कुमार, रितेश देशमुख, अभिषेक बच्चन, नर्गिस फाखरी, सौंदर्या शर्मा, नाना पाटेकर, फरदीन खान, चंकी पांडे असे अनेक कलाकार होते. या चित्रपटाने बॉक्स ऑफिसवर चांगली कामगिरी केली होती.