बॉलीवूड कलाकारांच्या प्रेमाचा विषय निघाला की रणबीर कपूर आणि कतरिना कैफ ही नावं नक्कीच घेतली जातात. दोघांनी ‘अजब प्रेम की गजब कहानी’ चित्रपटात एकत्र काम करताना रे एकमेकांच्या प्रेमात पडले. ते एकत्रही राहत होते परंतु त्यांचे नाते फार काळ टिकले नाही आणि नंतर दोघे वेगळे झाले. आता दोघांनीही आपापला मार्ग स्वीकारला आहे. एकीकडे रणबीरने आलियाशी लग्न केले आहे, तर दुसरीकडे कतरिना तिचा जोडीदार विकी कौशलसोबत खूप खूश आहे. पण नुकतेच हे दोघे एका कार्यक्रमात समोरासमोर आले आणि त्यावेळी त्यांच्या कृतीने सर्वांचेच लक्ष वेधून घेतले.
आणखी वाचा : हिंदुस्तानी भाऊचे ‘गुडबाय’ चित्रपटावर बहिष्कार घालण्याचे आवाहन, ‘या’ कारणामुळे व्यक्त केला संताप
गेले काही दिवस नवरात्रीमुळे सगळीकडे उत्साहाचं वातावरण होते. अनेक सेलिब्रिटीही प्रसिद्ध ठिकाणच्या देवीचे दर्शन घेऊन हा सण साजरा केला. अशाच एका कार्यक्रमात रणबीर आणि कतरिनाने हजेरी लावली होती. यावेळचे रणबीर आणि त्याची एक्स गर्लफ्रेंड कॅटरिना कैफचे काही फोटो सोशल मीडियावर व्हायरल होऊ लागले आहेत. यात दोघेही नवरात्रीचा सण एकत्र साजरा करताना दिसत आहेत.
बॉलिवूड सेलिब्रिटींनी सजलेली ही खास नवरात्री पूजा केरळमध्ये आयोजित करण्यात आली होती. यात कतरिना आणि रणबीर देखील सामील झाले. या सेलिब्रेशनच्या वेळचे दोघांचे अनेक फोटो समोर आले आहेत. ते फोटो पाहून नेटकऱ्यांना आश्चर्याचा धक्का बसला आहे. यातील एका फोटोमध्ये रणबीर त्याच्या कतरिनाकडे टक लावून बघताना दिसत आहे. तर कतरिना रणबीरकडे लक्ष न देता इतर लोकांबरोबर नवरात्रीचा आनंद घेताना दिसत आहे.
हेही वाचा : कतरिना कैफ, सिद्धांत चतुर्वेदी, ईशान खट्टर यांचे धमाल रियुनियन, फोटो व्हायरल
रणबीर आणि कतरिनाचा तो फोटो पाहून नेटकरी समिश्र प्रतिक्रिया देत आहेत. काहींनी रणबीरला कतरिनाला निरखून बघण्यामुळे ट्रोल केलं आहे, तर कोणी कतरिनाच्या वागण्यामुळे तिचे कौतुक केले आहे. रणबीर आणि कतरिनाच्या लूकबद्दल बोलायचे झाले तर कतरिना कैफने पीच रंगाचा ड्रेस घातला होता, तर दुसरीकडे रणबीर कपूरने काळ्या रंगाचा कुर्ता आणि काळ्या रंगाची सलवार परिधान केली होती. कतरिना कैफ आणि रणबीर कपूर सोबतच या कार्यक्रमात आर माधवन आणि नागार्जुन सारखे साऊथ स्टार्स देखील सहभागी झाले होते.