Jackie Shroff Viral Video : जॅकी श्रॉफ हे बॉलीवूडचे प्रसिद्ध अभिनेते आहेत. त्यांनी त्यांच्या कारकिर्दीत नायकापासून खलनायकापर्यंत अनेक भूमिका साकारल्या आहेत. अलीकडेच जॅकी श्रॉफ मुंबईतील वांद्रे येथे दिसले. यादरम्यान जॅकी श्रॉफ यांनी काळ्या रंगाचा टी-शर्ट, पँट आणि मॅचिंग जॅकेट घातले होते. पण, यादरम्यान जग्गू दादा पापाराझींवर संतापले. त्यांचा हा व्हिडीओ आता सोशल मीडियावर व्हायरल होत आहे.
खरं तर, मुंबईच्या रस्त्यांवर जॅकी श्रॉफ यांना पाहून पापाराझींनी त्यांना घेरले. व्हायरल व्हिडीओमध्ये जॅकी श्रॉफ कॅमेऱ्यांसमोर पोझ देत असल्याचे दिसून येते. जेव्हा पापाराझींनी त्यांच्या कॅमेऱ्याच्या फ्लॅशचा वापर करून फोटो क्लिक करायला सुरुवात केली तेव्हा अभिनेते रागावले.
या दरम्यान जॅकी म्हणाले, “थोडा लाईट बंद कर बे… आंधळा माणूस… पूर्ण प्रकाशात तुला दिसत नाही का?” लाईट बंद केल्यानंतर.” नंतर अभिनेता पापाराझींशी बोलताना दिसले. त्यांचा हा व्हिडीओ आता सोशल मीडियावर व्हायरल होत आहे.
१२ सप्टेंबरला सोशल मीडियावर एक व्हिडीओ व्हायरल झाला होता, ज्यामध्ये प्रीती झिंटा परवानगीशिवाय इमारतीत प्रवेश केल्याबद्दल पापाराझींवर रागावलेली दिसत होती. ती रागाने म्हणाली, “माफ करा, तुम्हाला हे सर्व थांबवावे लागेल.” यापूर्वी आलिया भट्ट देखील परवानगीशिवाय प्रवेश करणाऱ्या पापाराझींवर रागावली होती.
जॅकी श्रॉफ यांचे आगामी चित्रपट
जॅकी श्रॉफ यांच्या कामाबद्दल बोलायचे झाले तर, ते ‘तू मेरी मैं तेरा मैं तेरा तू मेरी’ या आगामी रोमँटिक ड्रामा चित्रपटात दिसण्यासाठी सज्ज आहेत. या चित्रपटात कार्तिक आर्यन आणि अनन्या पांडे ही रोमँटिक जोडी दिसणार आहे.
‘सत्यप्रेम की कथा’साठी प्रसिद्ध असलेल्या समीर विद्वांस दिग्दर्शित या चित्रपटात कार्तिक आर्यन ‘रे’ आणि अनन्या पांडे ‘रुमी’च्या भूमिकेत दिसणार आहेत. जॅकी श्रॉफ, ज्येष्ठ अभिनेत्री नीना गुप्ता यांच्याबरोबर स्क्रीन शेअर करताना दिसणार आहेत. करण जोहर, आदर पूनावाला, अपूर्व मेहता, शरीन मंत्री केडिया आणि किशोर अरोरा यांनी संयुक्तपणे निर्मित केलेला हा चित्रपट २०२६ मध्ये प्रदर्शित होणार आहे.