देशभरात सुरू असलेलं करोनाचं थैमान अजुन संपलेलं नाही. अशा परिस्थितीत देशात एकीकडे लोक करोनाशी झुंज देत आहेत, तर दुसरीकडे करोना लसीकरण सुद्धा तेजीत सुरूय. देशभरातील लोक करोना लस घेण्यासाठी पुढे येताना दिसून येत आहेत. यामध्ये बॉलिवूडमधील कलाकार देखील करोना लस घेताना दिसून येत आहेत. सलमान खान, रितेश देशमुख, धर्मेंद्र यांच्या पाठोपाठ आता ‘थलायवा’ अभिनेते रजनीकांत यांनी सुद्धा करोनाची दुसरी लस घेतली आहे.
अभिनेते रजनीकांत यांची मुलगी सौंदर्याने सोशल मीडियाच्या माध्यमातून ही माहिती सांगितली. सौंदर्याने तिच्या ट्विटरवर एक फोटो शेअर केलाय. या फोटोमध्ये सुपरस्टार रजनीकांत करोनाची लस घेताना दिसून येत आहेत. तसंच त्यांची मुलगी सौंदर्या त्यांच्या बाजूला उभी असलेली दिसून येत आहे. बाप-लेकीच्या जोडीने यावेळी करोना नियमांचे पालन करत चेहऱ्यावर मास्क देखील लावलेला दिसून आला. हा फोटो शेअर करताना सौंदर्याने एक कॅप्शनही लिहिली आहे. यात तिने लिहिलंय, “आपल्या थलायवांना करोनाची लस मिळाली आहे…चला सगळे मिळून करोनाला हरवूया…!”.
Our Thalaivar gets his vaccine Let us fight and win this war against Corona virus together #ThalaivarVaccinated #TogetherWeCan #MaskOn #StayHomeStaySafe pic.twitter.com/P8Gyca4zdF
— soundarya rajnikanth (@soundaryaarajni) May 13, 2021
आतापर्यंत सुपरस्टार रजनीकांत यांच्या व्यतिरिक्त बॉलीवूड स्टार्स सोनाक्षी सिन्हा, सैफ अली खान, रितेश देशमुख, सोनू सूद, अमिताभ बच्चन, मलाइका अरोरा यांनी देखील करोना लस घेतली आहे. बॉलिवूडधील अनेक मंडळींनी करोनाशी सामना केलाय. काही जण तर अजूनही करोनाशी झुंज देत आहेत. बॉलिवूडमधील अनेक कलाकार पुढाकार घेत करोना काळात लोकांच्या मदतीला धावत आहेत. काही जण करोना रूग्णांना ऑक्सिजन सिलेंडर्स पुरवत आहेत, तर काही जणांनी करोना रूग्णांना बेड्स मिळावेत म्हणून हेल्पलाइन सुरू केलेली आहे.