The trailer of film hot take the dep heard trial based on depp heard case is out rnv 99 | जॉनी डेप आणि अँबर हर्ड यांच्या खटल्यावर आधारित ‘हॉट टेक : द डेप/हर्ड ट्रायल’ चित्रपटाचा नाट्यमय ट्रेलर प्रदर्शित | Loksatta

जॉनी डेप आणि अँबर हर्ड यांच्या खटल्यावर आधारित ‘हॉट टेक : द डेप/हर्ड ट्रायल’ चित्रपटाचा नाट्यमय ट्रेलर प्रदर्शित

अभिनेता जॉनी डेप आणि अभिनेत्री अँबर हर्ड यांच्या घटस्फोटाचं प्रकरण मध्यंतरी चांगलंच गाजलं.

जॉनी डेप आणि अँबर हर्ड यांच्या खटल्यावर आधारित ‘हॉट टेक : द डेप/हर्ड ट्रायल’ चित्रपटाचा नाट्यमय ट्रेलर प्रदर्शित

अभिनेता जॉनी डेप आणि अभिनेत्री अँबर हर्ड यांच्या घटस्फोटाचं प्रकरण मध्यंतरी चांगलंच गाजलं. त्यांची कोर्टातली सुनावणी ही चक्क लाईव्ह दाखवण्यात येत होती. सामान्य लोकांनी यामध्ये चांगलाच रस घेतला आणि बऱ्यापैकी लोकं ही जॉनी डेपच्या बाजूने उभी होती. या सुनावणीदरम्यान दोघांनी एकमेकांवर खूप आरोप केले. अखेर निकाल जॉनीच्या बाजूने लागला. या नाट्यमय घटनेवर चित्रपट बनणार असल्याचे काही दिवसांपूर्वी समोर आले होते. तेव्हापासूनच जगभरातील प्रेक्षकांच्या मानत या चित्रपटाबद्दल उत्सुकता निर्माण झाली होती. आता या चित्रपटाचा ट्रेलर प्रदर्शित झाला आहे.

आणखी वाचा : “हे मला रोज…”, राखी सावंतने आदिलविषयी केला धक्कादायक खुलासा

‘हॉट टेक : द डेप/हर्ड ट्रायल’ हे या चित्रपटाचे नाव आहे. हा चित्रपट ‘टुबी’ या ऑनलाईन प्लॅटफॉर्मवर मोफत प्रदर्शित होणार आहे. अभिनेत्री मेलिसा मार्टी ही अभिनेत्री जॉनी डेपच्या वकिलाची भूमिका साकारणार असून मेरी करिग ही अँबरच्या वकिलाची भूमिका साकारणार असल्याचे या ट्रेलरमधून समोर येते. ‘टूबी’च्या अधिकृत यू ट्यूब चॅनलवर हा ट्रेलर आज प्रदर्शित करण्यात आला आहे.

एक मिनिटाच्या या ट्रेलरची सुरुवात कोर्टाच्या सीनपासून होते. ज्यात जॉनी गॉगल घालून कोर्टात बसलेला दिसतो. कोर्टात घडलेले अनेक आरोप प्रत्यारोप या ट्रेलरमध्ये पाहायला मिळतात. तर त्याबरोबरच या ट्रेलरमधये जॉनी डेप आणि अँबरचे वैवाहिक आयुष्य कसे होते याचीही झलक या ट्रेलरमध्ये दाखवण्यात आली आहे.

जॉनी डेप आणि अंबर हर्ड यांच्या मानहानीचा खटला अनेक महिन्यांपासून चर्चेत राहिला. यात 7 न्यायाधीशांनी एकमताने जॉनी डेपच्या बाजूने निकाल दिला. या निकालानंतर अवघ्या चार वादग्रस्त हा वादग्रस्त मानहानीचा खटला मोठ्या पडद्यावर येत आहे. या चित्रपटात २ महीने सुरू असणाऱ्या मानहानिच्या सुनावणीवरच प्रकाश टाकण्यात येणार आहे. हा कोणत्याही कलाकाराचा बायोपिक नसून यामध्ये केवळ तथ्यांच्या आधारेच या केसबद्दल खुलासा केला जाणार आहे.

हेही वाचा : सिनेमाच घडतोय जॉनी डेपच्या आयुष्यात; अँबर हर्डशी घटस्फोटानंतर पडला वकिलाच्या प्रेमात

सारा लोहमॅन यांनी या चित्रपटाचे दिग्दर्शन केले आहे. हा चित्रपट सामाजिकदृष्ट्या वेळेवर बनलेला एक महत्त्वाचा चित्रपट आहे, असं या चित्रपटाच्या निर्मात्यांचं म्हणणं आहे. जे नाट्य लोकांनी इतके दिवस चवीने पाहिलं त्याचीच पुनरावृत्ती चित्रपटाच्या माध्यमातून करायचा प्रयत्न आहे असंही त्यांनी स्पष्ट केलं आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“ते फार त्रासदायक…” मॅटर्निटी वेअरवरुन संतापलेल्या आलिया भट्टची मोठी घोषणा

संबंधित बातम्या

“आता लवकरच…” लग्नानंतरची पाठकबाईंची ‘ती’ पोस्ट चर्चेत
नोरा फतेहीला डान्सरचा चुकीच्या पद्धतीने स्पर्श; व्हिडीओ व्हायरल
विश्लेषण : ‘कांतारा’ चित्रपटातील ‘वराह रुपम’ गाण्यावरचे आक्षेप कोर्टाने फेटाळले; बंदी उठवण्याचे आदेश; नेमका काय होता वाद?
“तुम्ही जन्मत:च हिंस्र विकृत आहात की…” सुमीत राघवनला नेटकऱ्याचा प्रश्न; अभिनेत्याच्या आरे कारशेडवरील ‘त्या’ वादग्रस्त ट्वीटनंतर रंगले ट्विटर वॉर
“देवाचं माझ्यावर…” प्रसिद्ध गायक जुबिन नौटियालने रुग्णालयातून शेअर केली पोस्ट

व्हिडिओ

ताज्या बातम्या
विश्लेषण : चीनने ‘शून्य कोविड धोरण’ शिथिल केल्यास काय होणार?
नाद कुणाचा करायचा! टायगर शार्कचा व्हिडीओ काढायला गेला अन् होत्याचं नव्हतं झालं, पाण्यातील थरारक Viral Video पाहाच
मधुमेहाच्या रुग्णांनी रोज ‘हे’ पदार्थ खाण्यास सुरुवात करा; रक्तातील साखरेची समस्या कायमची दूर होईल
या चित्रात असलेली चुक तुम्हाला दिसली का? तीक्ष्ण नजर असणाऱ्यांना पटकन येईल ओळखता
पुण्यातील तरुणाचा भन्नाट प्रयोग; चक्क कंटेनरमध्ये घेतले काश्मिरी ‘केशर’चे पीक