Loksabha Election 2024: महायुतीला बिनशर्त पाठिंब्यानंतर, किशोरी पेडणेकरांची राज ठाकरेंवर बोचऱ्या शब्दात टीका

मनसेच्या गुढीपाडवा मेळाव्यात राज ठाकरेंनी नरेंद्र मोदी आणि महायुतीला बिनशर्त पाठिंबा दिला. या निर्णयाचे पडसाद अजूनही उमटताना दिसत आहेत. संजय राऊत यांनी राज ठाकरेंचा पक्ष नवनिर्माणचा नमोनिर्माण कसा झाला असा खोचक प्रश्न विचारला आहे. तर, किशोरी पेडणेकरांनी राज ठाकरेंची तुलना दात पडलेल्या आणि नखं नसलेल्या वाघाशी केली आहे. (Photo Source-सौ किशोरी किशोर पेडणेकर/Facebook Page) “राज ठाकरेंनी महायुतीला बिनशर्त पाठिंबा दिला आणि ती भूमिका जाहीर केली. त्यानंतर पत्रकार परिषद घ्यायची काय गरज होती. (Photo Source-सौ किशोरी किशोर पेडणेकर/Facebook Page) "राज ठाकरे म्हणतात इतर पक्ष भूमिका बदलू शकतात मग आम्ही का बदलू नये? पण राज ठाकरे पक्ष स्थापन झाल्यापासून सातत्याने भूमिका बदलत आहेत." असं किशोरी पेडणेकर म्हणाल्या. (Photo Source-सौ किशोरी किशोर पेडणेकर/Facebook Page) त्या पुढे म्हणाल्या, "२०१९ मध्ये त्यांनी उच्चारलेली लाव रे तो व्हिडीओ ही टॅगलाईन चांगलीच प्रसिद्ध झाली. पण आता राज ठाकरेंनी भूमिका बदलली.” "आधी निळा, हिरवा आणि भगवा रंग असलेला झेंडा त्यांनी निवडला होता. आता भगवा रंग असलेला झेंडा राज ठाकरेंनी निवडला." असंही किशोरी पेडणेकर म्हणाल्या. (Photo Source-सौ किशोरी किशोर पेडणेकर/Facebook Page) "लोकांना दात पडलेला, नखं नसलेला, शक्तीहीन झालेला आणि तोंडाने हवा मारणारा वाघ नको आहे." अशी बोचरी टीका किशोरी पेडणेकर यांनी केली आहे. (Photo Source-सौ किशोरी किशोर पेडणेकर/Facebook Page) आता किशोरी पेडणेकर यांच्या टीकेला राज ठाकरे काही उत्तर देतील का? हे पाहणं महत्त्वाचं असणार आहे.