देवीचा फोटो असलेले कपडे परिधान केल्याने प्रियांका ट्रोल

बॉलिवूडची देसी गर्ल प्रियांका चोप्रा ही बॉलिवूडमधील लोकप्रिय अभिनेत्रींपैकी एक आहे. प्रियांका कोणत्या ना कोणत्या कारणामुळे नेहमीच चर्चेत असते. आता प्रियांका एका जून्या फोटोमुळे चर्चेत आली आहे. प्रियांकाचा नवरा अमेरिकेचा लोकप्रिय गायक याने २९ फेब्रुवारी २०२० रोजी एक फोटो शेअर केला होता. हाच फोटो पुन्हा एकदा प्रियांकाच्या इन्स्टाग्रामवरील प्रियंकाचे क्लोसेट या फॅन अकाऊंटवरुन शेअर करण्यात आला आहे. या फोटोत प्रियांकाने लाल रंगाचं एक बोहेमियन जॅकेट परिधान केले आहे. तर या जॅकेटवर मॉं कालीचा फोटो पाहायला मिळतं आहे. या फोटोवरून प्रियांकाला सोशल मीडियावर प्रचंड ट्रोल करण्यात आले आहे. एक नेटकरी म्हणाला, "देव फॅशनसाठी नाही." दुसरा नेटकरी म्हणाला, "देवीचा अपमान करू नका"तिसरा म्हणाला, "अशी भयंकर कृत्य..देवा कृपया माफ करा."पुढे एक नेटकरी म्हणाला, "आपल्या शरीरावर देवाचे वस्त्र परिधान करु नका कारण देव पवित्र, आणि तुझं कुटुंब आहे काही तरी विचार कर."दुसरा नेटकरी म्हणाला, "लाजिरवाणी गोष्ट, प्रियांकाच्या सगळ्या पेज्सला अनफॉलो करा. तू असे कपडे कसे परिधान करू शकते..."तिसरा नेटकरी म्हणाला, "धर्माचा अपमान करु नका." तर पुढे आणखी एक नेटकरी म्हणाला, "भयानक." अशा अनेक कमेंट करत नेटकऱ्यांनी प्रियांकाला ट्रोल केले आहे.