Photos : एप्रिल महिन्यात प्रेक्षकांसाठी मनोरंजनाची मेजवानी! ६ वेबसीरिज आणि चित्रपट होणार रिलीज

गुल्लक सीजन ३ : या वेबसीरिजच्या पहिल्या दोन सीजन्सना प्रेक्षकांची विशेष पसंती मिळाली. सीरिजमध्ये मध्यमवर्गीय भारतीयांची स्वप्ने आणि इच्छा या सीरिजमधून अगदी उत्तमरित्या मांडल्या आहेत. ही मालिका मिश्रा कुटुंबाभोवती फिरते, ज्यामध्ये अनेक पात्रांचा समावेश आहे जे या प्रक्रियेत एकमेकांना मदत करताना त्यांची स्वप्ने पूर्ण करण्यासाठी सर्वतोपरी प्रयत्न करतात. तिसरा सीझन आपल्या पायावर उभे राहण्याचा प्रयत्न करणाऱ्या कुटुंबातील मोठ्या मुलाभोवती फिरताना दिसतो. अभय सीजन ३ : या थ्रिलर फ्रँचायझीच्या तिसऱ्या सीझनमध्ये कुणाल खेमू अभय प्रताप सिंगच्या भूमिकेतून पुन्हा एकदा प्रेक्षकांच्या भेटीस येत आहे. या सीजनमध्ये, गुन्हा करून मागे क्लू सोडणाऱ्या मारेकऱ्याचा शोध घेण्यासाठी तो तयार आहे. पहिल्या दोन सीझनप्रमाणेच हा देखील एक एज-ऑफ-द-सीट थ्रिलर आहे जो तुम्हाला शेवटपर्यंत खिळवून ठेवेल. माई : साक्षी तन्वर एका सूड घेणाऱ्या आईची भूमिका साकारत आहे जी आपल्या मुलीच्या अपघाचा शोध घेण्यासाठी निघते. या थ्रिलर तसेच भावनिक चित्रपटात साक्षी आपल्या मुलीला न्याय मिळवून देण्यासाठी शक्तिशाली राजकारणी, नोकरशहा आणि पोलिसांशी सामना करताना दिसते. दसवी : या चित्रपटात अभिषेक बच्चन मुख्यमंत्री गंगाराम चौधरी यांची भूमिका साकारत आहे, ज्यांना तपासाअंती न्यायालयीन कोठडी सुनावण्यात आली आहे. तुरुंगात घालवलेल्या काळात, गंगाराम दहावीचा अभ्यास पूर्ण करून परीक्षा उत्तीर्ण होण्याचा निर्णय घेतात. निम्रत कौर त्याच्या पत्नीची भूमिका साकारत आहे. तिला गंगाराम तुरुंगात असताना त्याचे कार्यालय ताब्यात घेण्यास भाग पाडले जाते. यामी गौतम या चित्रपटात एका पोलीस अधिकाऱ्याची भूमिका साकारत असून शिक्षणाभोवती फिरणारा हा एक विनोदी चित्रपट असल्याचे दिसून येते. जर्सी : करोना महामारीमुळे सतत पुढे ढकलण्यात आलेला 'जर्सी' का क्रिकेटवर आधारित चित्रपट प्रदर्शित होण्यासाठी तयार आहे. शाहिद कपूर आणि मृणाल ठाकूर यांच्या प्रमुख भूमिका असलेला हा चित्रपट एका पित्यावर केंद्रित आहे. जो आपल्या मुलासाठी पुन्हा क्रिकेट खेळण्याचा निर्णय घेतो. तथापि, यामुळे त्याच्या वैयक्तिक आणि व्यावसायिक जीवनात अनेक गुंतागुंत निर्माण होतात. रनवे ३४ : वास्तविक जीवनातील परिस्थितीवर आधारित, या चित्रपटात अजय देवगन एका प्रतिष्ठित वैमानिकाची भूमिका साकारत आहे, ज्याला विमानाचे आपत्कालीन लँडिंग केल्यामुळे निलंबित करण्यात आले आहे. रकुल प्रीत सिंग त्याच्या सह-वैमानिकाची भूमिका साकारत आहे जी त्याच्यासोबत गंभीर परिस्थितीचा सामना करते. दुसरीकडे, अमिताभ बच्चन एका अधिकाऱ्याची भूमिका साकारतात ज्याला या प्रकरणाच्या तपासाची जबाबदारी दिली जाते. ट्रेलरवरून असे दिसते की ही देवगन आणि बच्चन यांच्या पात्रांमधील बुद्धीची लढाई आहे. (सर्व फोटो : इंस्टाग्राम)