अनिल कपूर ‘थार’मध्ये मुलगा हर्षवर्धनसोबत दिसणार; ‘या’ पिता-पुत्राची जोडी देखील पडद्यावर झळकलेली आहे

1/1

अनिल कपूरचा ‘थार’ हा चित्रपट ६ मे रोजी OTT प्लॅटफॉर्म Netflix वर रिलीज होणार आहे. नुकताच या चित्रपटाचा ट्रेलर रिलीज झाला आहे. या चित्रपटात अनिल कपूरसोबत त्यांचा मुलगा हर्षवर्धन कपूरही दिसणार आहे. या चित्रपटापूर्वीही अनेकदा बॉलिवूडमधील पिता-पुत्रांची जोडी चित्रपटांमध्ये दिसलेली आहे.

2/1

अमिताभ बच्चन आणि अभिषेक बच्चन यांची जोडी ‘बंटी और बबली’, सरकार राज आणि कभी अलविदा ना कहना यांसारख्या चित्रपटांमध्ये दिसली आहे. दोघांच्या जोडीला पडद्यावर प्रेक्षकांचे खूप प्रेम मिळाले आहे.

3/1

‘कोई मिल गया’ या चित्रपटात राकेश रोशन हृतिक रोशनच्या वडिलांच्या भूमिकेत दिसला होता. हा चित्रपट प्रचंड गाजला होता.

4/1

याचबरोबर संजय दत्त देखील सुनील दत्त यांच्यासोबत मुन्ना भाई एमबीबीएस या चित्रपटात दिसला होता. या चित्रपटात सुनील दत्त यांनी संजयच्या वडिलांचीच भूमिका केली होती. हा चित्रपट ब्लॉकबस्टर ठरला.

5/1

‘जानशीन’ या चित्रपटात फरदीन खानने त्याचे वडील फिरोज खान यांच्यासोबत काम केले होते. या चित्रपटाचे दिग्दर्शन स्वत: फिरोज खान यांनी केले होते.

6/1

शाहिद कपूर ‘शानदार’ या चित्रपटात वडील पंकज कपूर यांच्यासोबत दिसला होता. याशिवाय ही पिता-पुत्र जोडी जर्सी या चित्रपटातही दिसणार आहे.