Photos: कुणाल खेमू-सोहा अली खानचे मुंबईतील आलिशान घर पाहिलेत का? किंमत आहे तब्बल इतके कोटी रुपये

बॉलिवूडमधील लोकप्रिय जोडी सध्या सोशल मीडियावर चर्चेत आहे. अभिनेता कुणाल खेमू आणि अभिनेत्री सोहा अली खान यांना प्रेक्षकांची फार पसंती मिळत असते. अनेक वर्षे रिलेशनशिपमध्ये राहिल्यानंतर कुणाल व सोहाने २०१५ मध्ये लग्नगाठ बांधली. लग्नाच्या आधी सोहा अली खान आणि कुणाल खेमु लिव्ह इन रिलेशनशीपमध्ये राहत होते. कुणाल व सोहा यांना इनाया ही मुलागी आहे. दृष्ट लागू नये असा कुणाल व सोहा यांचा संसार आहे. सोशल मीडियावर सक्रीय असलेली ही जोडी अनेक वेळा फोटो आणि व्हिडीओ चाहत्यांसोबत शेअर करत असते. यामध्ये त्यांनी घराचेदेखील काही फोटो इन्स्टाग्रामवर शेअर केले आहेत. कुणाल व सोहा मुंबईमधील लिंकिंग रोड येथील सुंदर विला अपार्टमेंटमध्ये राहतात. घर सजवण्यासाठी कुणाल व सोहाने प्रचंड मेहनत घेतली आहे. या घरातील प्रत्येक कोपरा अत्यंत सुंदररित्या डिझाइन करण्यात आला आहे. सोहाला वाचनाची आवड आहे. घरात अनेक पुस्तके आहेत. सोहाने घरात वेगवेगळे पेंटीग्स देखील लावले आहेत. घर प्रचंड मोठे असल्याचे पाहायला मिळते. कुणाल व सोहा यांच्या घराची किंमत तब्बल ९ कोटी रुपये असल्याचे सांगण्यात येत आहे. घराच्या बाल्कनीमध्ये सोहा बराच वेळ घालवताना दिसते. (सर्व फोटो सौजन्य : सोहा अली खान, कुणाल खेमू / इन्स्टाग्राम)