अक्षयला होती सासू डिंपल कपाडियासोबत डेटवर जाण्याची इच्छा, कारण…

बॉलिवूड अभिनेत्री डिंपल कपाडिया यांचा आज ८ जून रोजी वाढदिवस आहे. डिंपल आज ६५ वयाच्या झाल्या आहेत. डिंपल कपाडिया यांनी करीअरमधील पहिल्याच 'बॉबी' चित्रपटाच्या यशानंतर त्यावेळचे सुपरस्टार राजेश खन्ना यांच्या बरोबर विवाह केला डिंपल यांचा हा निर्णय म्हणजे अनेकांसाठी धक्का होता. कारण त्यांच्यासमोर चांगल्या उज्वल भविष्याचा पर्याय असतानाही, त्यांनी लग्नाचा निर्णय घेतला होता. लग्नानंतर काही काळाने डिंपल यांनी ट्विंकल खन्नाला जन्म दिला. त्यांना दोन मुली आहेत. ट्विंकलने २००१ मध्ये अक्षय कुमारसोबत लग्न केले. ट्विंकलने अक्षयकुमार सोबत लग्न करण्याचा निर्णय घेतला, त्यावेळी डिंपल यांच्यामनात अनेक प्रश्न होते. कारण त्यावेळी अक्षय कुमारच्या प्रेमसंबंधांची मीडियामध्ये बरीच चर्चा होती. पुढे लग्नानंतर ट्विंकल-अक्षयचा सुखी संसार सुरु झाला आणि त्यांच्या मनातील सर्व प्रश्न मिटले. अक्षय कुमारचे सासू डिंपल कपाडियासोबत खूप चांगले बॉन्डिंग आहे. अक्षय डिंपल यांची खूप मस्करी सुद्धा करतो. एकदा एका पुरस्कार सोहळयात सर्वांसमोर त्याने डिंपल यांची मस्करी केली होती, त्यावेळी सर्वचजण खळखळून हसले होते. एकदा करण जोहरच्या 'कॉफी विथ करण'मध्ये अक्षयने सासू डिंपल कपाडियांसोबत डेटला जाण्याची इच्छा व्यक्त केली होती. त्याच कारण सांगत अक्षय पुढे म्हणाला, "रात्र भर आम्ही त्यांच्या मुलीविषयी बोलणार." काही काळापूर्वी सोशल मीडियावर अक्षय कुमार आणि त्याची सासू म्हणजे डिंपल कपाडीया यांच्या वयामधील अंतराची चर्चा रंगली होती. अक्षय आणि त्याची डिंपल कपाडिया यांच्यामध्ये फक्त १० वर्षांचं अंतर आहे. डिंपल कपाडिया यांचा जन्म १९५३ सालचा असून अक्षय कुमारचा जन्म १९६३ मध्ये झाला आहे. अक्षय आणि डिंपल कपाडिया यांच्यात सासू व जावई हे नातं असण्यासोबतच ते एकमेकांचे चांगले मित्रदेखील आहेत. डिंपल कपाडिया १६ वर्षांच्या असताना त्यांनी १९७३ मध्ये राजेश खन्नासोबत लग्नगाठ बांधली. त्यानंतर वर्षभरानंतर ट्विंकलचा जन्म झाला. (All Photo Credit : Akshay Kumar Instagram/ Twinkle Khanna Instagram/ Indian Express/ File Photo)