Photos : ‘आश्रम ३’ मधील ‘सोनिया’ची कोट्यवधींची संपत्ती; बोल्ड सीन्ससाठी ईशाने घेतले होते इतके मानधन

ओटीटीवर 'आश्रम ३' ही वेब सीरिज सध्या धुमाकूळ घालतेय. बॉलिवूड अभिनेता बॉबी देओल या सीरिजमध्ये मुख्य भूमिकेत आहे. 'बाबा निराला'ची भूमिका त्याने साकारली आहे. 'आश्रम ३' मध्ये बॉबी देओलसोबत इंटिमेट सीन देताना बॉलिवूड अभिनेत्री ईशा गुप्ता दिसते. 'आश्रम ३' मध्ये ईशाने सोनियाची भूमिका साकारली आहे. ईशाने वेब सीरिजमध्ये दिलेल्या बोल्ड सीन्समुळे ती सध्या चर्चेत आहे. खऱ्या आयुष्यातही ईशा गुप्ता तितकीच बोल्ड आणि ग्लॅमरस आहे. ईशा तिचे अनेक फोटो सोशल मीडियावर शेअर करत असते. 'आश्रम ३' मध्ये घोटाळेबाज दाखवलेली सोनिया लक्झरियस आयुष्य जगते. ईशाचं मुंबईत स्वत:च्या मालकिचं घर आहे. याशिवाय दिल्लीतही तिचा आलिशान फ्लॅट आहे. ईशाकडे महागड्या गाड्यांचं कलेक्शनही आहे. 'बीएमडब्ल्यू', 'स्कोडा' अशा लाखो रुपये किंमतीच्या गाड्यांमधून ईशा फिरते. एवढंच काय तर सुट्टीसाठीही ईशा प्रसिद्ध आणि लक्झरियस ठिकाणी जाणे पसंत करते. 'आश्रम ३' वेब सीरिजसाठी ईशाने दोन कोटी रुपये मानधन घेतले असल्याची माहिती आहे. ईशाकडे कोट्यवधींची संपत्ती आहे. माध्यमांनी दिलेल्या वृत्तानुसार, ईशा गुप्ता ३६ कोटी रुपये संपत्तीची मालकिण आहे. (सर्व फोटो : ईशा गुप्ता/ इन्स्टाग्राम)